Rezultadu husi serbisu haklaken

Iha fulan-Marsu 2015, reprezentante husi sede jerál, Stephen Hardy, vizita sukursál Australásia nian no halaʼo reuniaun boot espesiál ida iha loron 7 no 8. Programa husi reuniaun espesiál neʼe fó laran-manas no hametin liután rona-naʼin sira-nia relasaun ho Maromak Jeová. Irmaun-irmán sira hamutuk naʼin-94.685 husi fatin 820 iha Austrália, Cook Islands, no Novazelándia, mak rona ba reuniaun espesiál neʼe liuhusi internét. Ita kontente tebes tanba Maromak Jeová uza teknolojia husi mundu neʼe atu fó han ba ninia povu iha rai.