Ita bele aprende saida husi sira neʼebé serbí Jeová ba tinan barak ona?

Iha kongregasaun, ita iha irmaun no irmán sira neʼebé serbí Jeová ba tinan barak ona. Sira bele hanorin ita oinsá atu sadere ba Jeová. Ita bele husu sira kona-ba istória husi Jeová nia organizasaun, susar neʼebé sira hasoru no oinsá Jeová ajuda sira iha tempu susar. Ita bele konvida sira tuir ita-nia Adorasaun Família nian no husu sira konta sira-nia esperiénsia.

Se Ita mak serbí Jeová ba tinan barak ona, konta Ita-nia esperiénsia ba foin-saʼe sira kona-ba oinsá Jeová ajuda ona Ita. Jacob no José konta sira-nia esperiénsia ba sira-nia oan no bei-oan sira. (Gén 48:21, 22; 50:24, 25) Jeová mós haruka família nia ulun atu konta ba sira-nia oan kona-ba Jeová nia hahalok furak sira. (Deu 4:9, 10; Sal 78:4-7) Ohin loron, inan-aman no ema seluk iha kongregasaun bele konta fali ba foin-saʼe sira kona-ba buat furak sira neʼebé Jeová nia organizasaun kumpre ona.

HAREE VÍDEO MANTEIN NAFATIN UNIDADE MASKI GOVERNU BANDU, DEPOIS HATÁN BA PERGUNTA SIRA TUIRMAI NEʼE:

• Oinsá sukursál iha rai-Áustria ajuda ita-nia irmaun-irmán iha rai sira neʼebé bandu ita-nia atividade?

• Oinsá mak irmaun-irmán sira nafatin kaer metin ba sira-nia fiar?

• Tanbasá mak haklaken-naʼin barak iha rai-Roménia husik Jeová nia organizasaun, no oinsá mak sira fila fali?

• Oinsá mak esperiénsia sira-neʼe hametin Ita-nia fiar?