Dalan tolu atu sadere ba Jeová

David manán hasoru Golias tanba nia sadere ba Jeová. (1Sa 17:25) Jeová hakarak hatudu ninia kbiit hodi salva ninia atan hotu. (2Kr 16:9) Oinsá mak ita bele sadere ba Jeová nia ajuda duké sadere ba ita rasik nia esperiénsia no abilidade? Haree toʼok dalan tolu tuirmai:

• Halo orasaun beibeik. Halo orasaun laʼós deʼit atu husu perdua ba sala neʼebé ita halo, maibé mós husu Jeová atu fó forsa mai ita atu tahan hasoru tentasaun. (Mt 6:12, 13) Halo orasaun laʼós deʼit husu Jeová nia bensaun ba desizaun neʼebé ita halo ona, maibé mós husu ninia matadalan no matenek antes atu halo desizaun.—Tgo 1:5

• Iha toman atu lee Bíblia no estuda. Lee Bíblia loron-loron. (Sal 1:2) Fahe tempu atu hanoin kona-ba Bíblia nia ezemplu sira, no aplika lisaun neʼebé ita aprende. (Tgo 1:23-25) Ita mós presiza prepara ba haklaken duké sadere ba ita-nia esperiénsia rasik. Prepara informasaun neʼebé atu estuda iha reuniaun hodi bele hetan benefísiu liután husi reuniaun

• Serbisu hamutuk ho Jeová nia organizasaun. Haree didiʼak ba matadalan foun neʼebé ita simu husi organizasaun no halo tuir kedas. (Núm 9:17) Rona ba katuas sira-nia konsellu no matadalan.—Ebr 13:17

HAREE VÍDEO LA PRESIZA TAʼUK BA EMA NEʼEBÉ FÓ-TERUS ITA, DEPOIS HATÁN BA PERGUNTA TUIRMAI:

• Irmaun-irmán sira sente taʼuk kona-ba saida?

• Saida mak ajuda sira atu luta hasoru sentimentu taʼuk?