Iha revista neʼe: Oinsá mak Bíblia bele halo Ita-nia moris sai diʼak liu?

Livru antigu neʼebé ajuda iha tempu modernu

Bíblia laʼós deʼit iha matadalan kona-ba oinsá atu adora Maromak. Bíblia mós iha konsellu neʼebé bele ajuda Ita iha moris loroloron nian, hanesan:

• Saúde

• Sentimentu

• Moris família no relasaun ho ema seluk

• Uza osan ho matenek

• Atitude no relasaun ho Maromak

Livru neʼebé ajuda ona ema barak

Ba tinan barak ona, Bíblia ajuda ema halaʼo moris neʼebé diʼak liu. Ohin loron, Bíblia iha ona língua rihun ba rihun. Buka-hatene oinsá mak Ita bele hetan benefísiu husi Bíblia nia matadalan.