Saida mak Ita tenke halo?

50 Ita hakarak moris ba nafatin iha paraízu kapás neʼe ka lae?

Se nuneʼe, aprende liután kona-ba saida maka Maromak hatete. Hakaʼas an atu aprende lee Bíblia.—Joao 17:3; Apokalipse[Wahyu] 1:3

51 Aprende barak tan kona-ba Jesus.—Deuteronômio[Ulangan] 18:18, 19; Joao 3:16; Apostolu[Kisah] 3:19-23

52 Hakaʼas an atu halo buat neʼebé diʼak deʼit no halo tuir Jeová.—Roma 6:17, 18, 22

53 Keta haluha katak Jeová hatete ita labele oho ema.—Êxodo[Keluaran] 20:13; 1 Joao 3:11, 12

54 Ita labele foti ema seluk nia sasán.—Êxodo[Keluaran] 20:15; Efeso 4:28

55 Mane ida labele moris ka toba hamutuk ho feto, se feto neʼe laʼós ninia feen rasik.—Êxodo[Keluaran] 20:14, 17; 1 Tesalonika 4:3

56 Ita hanoin-hetan feen naʼin-hira maka Maromak fó ba laʼen ida? Toʼo bainhira maka laʼen tenke moris hamutuk ho ninia feen?—Gênesis[Kejadian] 2:22, 24; Mateus 19:5, 6; 1 Korinto 7:2, 10, 11

57 Keta haluha mós, katak ita tenke adora Jeová mesak deʼit.—Mateus 4:10; 1 Korinto 8:6

58 Buat lulik, estátua, no imajen sira la bele ajuda ita. Tansá?—1 Korinto 8:4

Diʼak atu iha buat lulik no estátua ka lae?—Deuteronômio[Ulangan] 27:15; Apostolu[Kisah] 17:29; 1 Joao 5:21

59 Tansá mak aat atu uza maninga no fekit ai-moruk?—Deuteronômio[Ulangan] 18:10-13; Apokalipse[Wahyu] 21:8

60 Anju aat sira ka demóniu sira kontra hasoru Maromak. Sira uza matan-dook sira atu lohi ema.—Apostolu[Kisah] 16:16

61 Ita tenke harohan ba Maromak. Harohan katak koʼalia ba Maromak, fó-hatene katak ita hakarak serbí nia no mós husu ninia ajuda.—Filipe 4:6, 7

62 Ita tenke halo tuir Jesus no tau fiar ba nia.—Ebreu[Ibrani] 5:9; Joao 3:16

63 Labele haluha katak nia mate atu salva ita.—Roma 5:8

64 Keta haluha katak Jesus mak ita-nia Liurai neʼebé ita la bele haree. Ita tenke halo tuir nia.—Filipe 2:9-11; Apokalipse[Wahyu] 19:16

65 Jesus hatete Ita tenke fó-hatene ba ema seluk kona-ba buat diʼak neʼebé Ita aprende daudaun. No mós, sira neʼebé hakarak serbí Maromak tenke hetan batizmu.—Mateus 28:19, 20; Joao 4:7-15

66 Nuneʼe, Ita bele koʼalia ba Ita-nia maluk sira kona-ba buat diʼak neʼe.—Mateus 10:32

67 Se Ita aprende lee ho diʼak, Ita sei hatene barak liu, no mós bele ajuda ema seluk diʼak liu tan.—2 Timoteo 2:15

68 Jesus mós hanorin labarik kiʼik sira atu halo tuir Maromak. Nia sempre iha tempu atu koʼalia ho sira.—Mateus 19:13-15

69 Inan-aman mós tenke hanorin sira-nia oan atu halo tuir no hadomi Maromak.—Deuteronômio[Ulangan] 6:6, 7; Provérbios[Amsal] 6:20-22; Efeso 6:4

70 Iha relijiaun oioin. Buat barak neʼebé sira hanorin la tuir Bíblia. Jeová haruka ita atu husik tiha relijiaun neʼebé la hanorin lia-loos.—Apokalipse[Wahyu] 18:4; Joao 4:23, 24

71 Jeová iha povu ida iha Rai neʼebé bele hanorin Ita barak liután kona-ba nia. Ita hatene sé maka povu neʼe?—Apostolu[Kisah] 15:14; Roma 10:14, 15

72 Sira maka Testemuña ba Jeová. Iha dame iha sira-nia leet. Ita hatene tansá? Tanba sira hadomi malu.—Isaías 43:10-12; Joao 13:34, 35

73 Tanba sira mós hadomi Jeová, sira hetan batizmu. Hanesan neʼe, sira hatudu iha ema nia oin katak sira husik tiha ona sira-nia hahalok neʼebé aat, no hakarak uza sira-nia moris atu serbí Maromak.—Apostolu[Kisah] 2:41

74 Testemuña ba Jeová hein atu moris iha paraízu foun neʼebé kapás.—Salmo[Mazmur] 37:9-11, 29; Apokalipse[Wahyu] 21:3, 4

Saida mak Ita bele halo atu moris iha-neʼebá hamutuk ho sira?—Tiago[Yakobus] 1:22, 25; 2:20-26

75 Hamutuk ho sira, aprende atu serbí Jeová. Sira hadomi no halo tuir Jeová no Kristu Jesus. Ita mós hadomi Jeová no Kristu Jesus ka lae? Ita hakarak ajuda ema seluk atu koñese Maromak ka lae?—Joao 6:45-47

76 Jeová no Kristu Jesus hadomi Ita no hakarak Ita atu moris ba nafatin iha paraízu.—Joao 3:16

Buat neʼebé Ita aprende husi dezeñu no liafuan sira iha broxura neʼe halo Ita hakarak duni atu moris haksolok ba nafatin iha Rai. Se Ita hakarak aprende liután kona-ba neʼe, ami anima Ita atu koʼalia ho Testemuña ba Jeová ida iha fatin neʼebé besik Ita. Ou, Ita bele hakerek karta, ka haruka ema seluk atu hakerek, ba diresaun ida iha pájina 2 iha broxura neʼe.