Ezemplu oinsá atu haklaken ba ema

Oinsá atu komesa estudu Bíblia iha sábadu primeiru iha fulan-Dezembru

“Tuir Ita-nia haree, ema neʼebé ladún respeitu moris kaben nian aumenta ba beibeik ka lae? [Hein ba resposta.] Obrigadu ba Ita-nia opiniaun. Ami hakarak fahe informasaun neʼebé ajuda kaben-naʼin atu laran-metin ba malu no hadomi malu. Haree toʼok oinsá mak Maromak no Jesus fó ezemplu mai ita atu hatudu domin.” Hatudu pájina ikus husi Livru Haklaken Outubru-Dezembru no koʼalia hamutuk kona-ba pergunta segundu hodi loke eskritura ida ka balu. Fó revista neʼe ba uma-naʼin no halo planu atu vizita fali hodi koʼalia tan kona-ba pergunta ida seluk.

Livru Haklaken Outubru-Dezembru

“Ema barak hanoin: ‘Ita ema bele halo Maromak kontente ka lae?’ Oinsá Ita-nia hanoin? [Hein ba resposta.] Haʼu bele hatudu eskritura ida husi Bíblia neʼebé fó resposta ba pergunta neʼe? [Lee Provérbios (Amsal) 27:11.] Haree toʼok, kuandu ita hatudu matenek, ida-neʼe sei halo Maromak kontente. Informasaun iha pájina 12 no 13 esplika kona-ba oinsá mak ita-nia hahalok bele halo Maromak kontente no mós dala ruma halo nia laran-kanek. Ami fó livru neʼe ba Ita.” Halo planu atu vizita fali hodi koʼalia tan kona-ba pergunta seluk.

Matan-moris bá! Outubru-Dezembru

“Ohin loron, ema barak hanoin katak se mane ho feto hadomi malu, la problema atu toba hamutuk maski seidauk kaben. Oinsá Ita-nia hanoin kona-ba neʼe? [Hein ba resposta.] Ita hakarak haree husi Bíblia buat neʼebé Maromak hakarak kona-ba neʼe?” Lee 1 Tesalonika 4:3 no koʼalia hamutuk kona-ba pergunta primeiru iha pájina 14.