Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Janeiru

“Ohin, ami koʼalia ho ema iha fatin neʼe no ema barak hatete katak buat neʼebé halo sira triste liu mak kuandu ema neʼebé sira hadomi mate. Ita mós sente hanesan neʼe ka lae? [Hein ba resposta.] Haʼu hakarak hatudu informasaun ruma neʼebé halo haʼu sente kmaan.” Hatudu pájina 16 husi Livru Haklaken Janeiru–Marsu, no koʼalia hamutuk kona-ba pergunta primeiru, no lee eskritura ida ka liu neʼebé temi iha parágrafu laran. Fó revista neʼe ba uma-naʼin no halo planu atu vizita fali hodi koʼalia tan kona-ba pergunta tuirmai.

Livru Haklaken Janeiru–Marsu

“Ohin, ami mai vizita fatin neʼe tanba ami hakarak fó laran-manas ba ema hotu atu lee Bíblia. Ema balu gosta lee Bíblia, maibé ema seluk lae. Ita gosta lee Bíblia ka lae? [Hein ba resposta.] Haree toʼok buat neʼebé Bíblia hatete. [Lee 1 Tesalonika 2:13.] Se Bíblia mak Maromak nia Liafuan duni, ita presiza lee, loos ka lae? Livru neʼe esplika kona-ba Bíblia no tansá mak ita presiza lee.”

Matan-moris bá! Janeiru–Marsu

“Tuir Ita-nia hanoin, ita presiza osan barak atu moris kontente ka lae? [Hein ba resposta.] Haree toʼok saida mak Bíblia hatete. [Lee 1 Timoteo 6:8.] Livru neʼe ajuda ita atu iha hanoin neʼebé loos kona-ba rikusoin hodi esplika kona-ba buat tolu neʼebé osan la bele sosa.”