RIKUSOIN HUSI BÍBLIA | JEREMIAS 51-52
Maski iha buat kiʼik, Jeová nia Liafuan sempre sai loos
Maski iha buat kiʼik mós, Jeová fó-hatene nanis saida mak sei akontese
Rama-naʼin neʼebé hein palásiu iha Pérsia
“Kose imi-nia rama-oan halo nabilan bá”
Ema Média no ema Pérsia mak matenek tebes kona-ba hana rama no sira-nia armas importante liu mak rama. Sira toman atu kose sira-nia rama-oan atu rama-oan bele sona borus toʼo laran
“Babilónia nia funu-naʼin sira la halo tan funu”
Fatuk ida neʼebé hakerek kona-ba liurai Nabonido nia ukun hatete: “Ciro nia soldadu sira tama ba Babilónia la ho funu.” Liafuan sira-neʼe konkorda duni ho buat neʼebé Jeremias temi iha ninia profesia.
Fatuk neʼebé hakerek kona-ba Liurai Nabonido
“Babilónia sei sai fatuk butuk boot, [no] sei sai fatin neʼebé fuik ba nafatin.”
Husi tinan 539 molok Kristu, Babilónia nia glória komesa lakon. Alexandre Boot hakarak halo Babilónia sai kapitál ba ninia sidade neʼe, maibé nia mate derrepente. Iha apóstolu sira-nia tempu, ema judeu balu sei hela iha neʼebá, tan neʼe mak apóstolu Pedro bá vizita Babilónia. Maibé tama ba tinan atus tolu husi apóstolu sira-nia tempu, sidade neʼe sai rahun ona no ikusmai sidade neʼe lakon toʼo ohin loron.