MORIS NUʼUDAR EMA KRISTAUN
Importante atu haklaken no hanorin hodi ajuda ema sai Jesus nia dixípulu
Jesus haruka ema kristaun hotu atu ajuda ema seluk sai ninia dixípulu. (Mt 28:19) Neʼe laʼós deʼit haklaken, maibé envolve mós hanorin. Ita tenke husu beibeik ba ita-nia an: ‘Oinsá mak haʼu bele hadiʼa dalan neʼebé haʼu haklaken no hanorin hodi ajuda ema sai Jesus nia dixípulu?’
HAKLAKEN
Ita tenke buka beibeik ema neʼebé “merese” duké hein deʼit ba sira mak atu mai buka ita. (Mt 10:11) Bainhira ita haklaken, ita aproveita oportunidade hodi koʼalia ba ema neʼebé ita hasoru ka lae? (Aps 17:17) Lídia sai Jesus nia dixípulu tanba apóstolu Paulo haklaken ho badinas.—Aps 16:13-15.
“Kari ó-nia fini iha dadeer no keta husik ó-nia liman deskansa toʼo kalan” (Ecl 11:6)
HAREE VÍDEO MAI ITA “LA PARA” ATU HAKLAKEN—IHA DALAN LA FORMÁL NO HUSI UMA BA UMA, NO DEPOIS HATÁN BA PERGUNTA SIRA TUIRMAI NEʼE:
Oinsá mak Samuel hatudu katak, loron-loron nia badinas hodi kuda beibeik fini lia-loos nian?
Tanbasá mak ita la bele rende an atu haklaken iha dalan oioin?
Ita bele haklaken ba sesé deʼit iha Ita-nia atividade loron-loron nian?
HANORIN
Atu ajuda ema sai Jesus nia dixípulu, latoʼo atu fahe deʼit livru. Ita presiza vizita sira no estuda Bíblia hodi bele ajuda sira laʼo ba oin. (1Ko 3:6-9) Maibé, oinsá se ita-nia hakaʼas-an atu haklaken ba ema la lori rezultadu diʼak? (Mt 13:19-22) Ita tenke buka nafatin sira neʼebé laran hanesan “rai neʼebé diʼak”.—Mt 13:23; Aps 13:48.
“Haʼu kuda, Apolo rega, maibé Maromak mak halo moris” (1Ko 3:6)
HAREE VÍDEO MAI ITA “LA PARA” ATU HAKLAKEN—IHA FATIN PÚBLIKU NO AJUDA EMA ATU SAI JESUS NIA DIXÍPULU, NO DEPOIS HATÁN BA PERGUNTA SIRA TUIRMAI NEʼE:
Oinsá mak Salomão no Maria rega fini lia-loos iha Ezekiel no Abigail nia laran?
Ita tenke iha objetivu saida bainhira haklaken, inklui mós haklaken iha fatin públiku?
Oinsá mak ita bele fó atensaun liu kona-ba hanorin lia-loos ba ema seluk?