Funu—Saida mak Maromak nia Ukun sei halo

Funu sira iha rai oioin kontinua estraga mundu neʼe, no ema barak hetan susar no terus. Haree notísias sira tuirmai neʼe:

• “Husi tinan 1994 toʼo agora, tinan 2022 mak ema barak liu mate tanba funu, liuliu tanba funu iha rai-Etiópia no rai-Ukránia.”—Peace Research Institute Oslo, 7 Juñu 2023.

• “Funu iha rai-Ukránia mak ezemplu ida deʼit husi funu barak neʼebé sai aat liután iha tinan 2022. Iha mundu tomak, violénsia neʼebé akontese tanba buat polítiku saʼe ba porsentu 27 iha tinan kotuk, no neʼe afeta maizumenus ema biliaun 1,7.”—The Armed Conflict Location & Event Data Project (ACLED), 8 Fevereiru 2023.

Bíblia fó ita esperansa. Bíblia dehan katak “Maromak iha lalehan sei harii ukun ida neʼebé sei nunka lakon”. (Daniel 2:44) Maromak nia Ukun ka governu sei “hapara funu sira iha mundu tomak”.—Salmo 46:9.