Problema ambiente—Saida mak Maromak nia Ukun sei halo

“Tanba mudansa boot iha klima, neʼe hamosu problema barak ba ema, sidade no natureza. Neʼe mós halo anin-fuik sai makaʼas liután no estraga uma no halo susar ba ema atu buka moris. Tasi sai manas tebes no neʼe lori perigu ba espésie barak iha tasi laran.”—Inger Andersen, asistente ba sekretáriu jerál Nasoins Unidas no diretora ezekutiva ba Programa Ambiente Nasoins Unidas, 25 Jullu 2023.

Governu sira bele serbisu hamutuk atu rezolve problema sira iha mundu tomak ka lae? Sira iha kapasidade atu rezolve problema sira-neʼe ba nafatin ka lae?

Bíblia koʼalia kona-ba governu ida neʼebé bele no sei rezolve problema ambiente iha mundu tomak. Bíblia dehan katak “Maromak iha lalehan sei harii ukun ida”, neʼe mak governu ida neʼebé sei ukun no rezolve problema hotu iha mundu tomak. (Daniel 2:44) Iha governu neʼe nia ukun okos, ema “sei la halo buat aat ida” ba ema seluk “no mós la estraga buat ida” iha mundu.—Isaias 11:9.