Tansá mak imi hanaran imi-nia an nuʼudar Testemuña ba Jeová?

Jeová mak Maromak nia naran, neʼebé temi beibeik iha Bíblia laran. (Êxodo 6:3; Salmo 83:18) Liafuan “testemuña” katak ema neʼebé fó sasin kona-ba buat neʼebé nia haree ka fiar.

Tan neʼe, ami-nia naran “Testemuña ba Jeová” katak ami mak ema kristaun neʼebé fó sasin lia-loos kona-ba Maromak Jeová, Kriadór ba buat hotu-hotu. (Apokalipse 4:11) Ami hakaʼas an atu fó sasin hanesan neʼe liuhusi ami-nia hahalok loroloron nian no mós hodi haklaken kona-ba buat neʼebé ami aprende ona husi Bíblia.—Isaías 43:10-12; 1 Pedro 2:12.