Haklaken lia-loos kona-ba Jesus ho laran-manas

Se ita hatene oinsá atu haklaken lia-loos kona-ba Jesus ba ema seluk, ita-nia laran-manas sei aumenta liután. Fiar neʼebé loos harii iha fatuk importante iha uma hun nia leten, neʼe mak Jesus. (Éfeso 2:20) Se la ho Jesus, ita la bele iha esperansa moris nian. (Apóstolu 4:12) Tan neʼe mak importante tebes ba ema hotu atu rekoñese Jesus nia pozisaun iha Maromak nia arranju sira. Iha doutrina barak neʼebé la mai husi Eskritura mak lohi ona ema barak. Ita triste tanba ema sira-neʼe sei lakon esperansa neʼebé Maromak nia Liafuan promete ba ema neʼebé tau fiar ba Jesus. Ita-nia laran-manas ba lia-loos sei ajuda ema laran-moos sira atu hatene kona-ba Jesus, ninia relasaun ho Maromak no kona-ba oinsá nia ajuda hodi kumpre Maromak nia hakarak. Entaun, iha tempu Memoriál neʼe, ita hakarak haklaken lia-loos kona-ba Jesus ho laran-manas ka lae?