Saida mak Maromak nia Reinu sei halo?

Bíblia nia resposta

Maromak nia Reinu ka Ukun sei troka ema nia governu hotu iha mundu neʼe. (Daniel 2:44; Apokalipse 16:14) Kuandu ida-neʼe akontese Maromak nia Reinu sei . . .

• Halakon ema aat sira neʼebé hanoin an deʼit no lori susar ba ita. “Kona-ba ema aat, sira sei lakon husi rai.”—Provérbios 2:22.

• Hapara funu. “[Maromak] sei hapara funu sira iha mundu tomak.”—Salmo 46:9.

• Lori moris neʼebé diʼak no dame ba mundu. “Sira ida-idak sei tuur iha sira-nia uvas-hun okos no iha sira-nia ai-figeira hun okos, no sei la iha ema ida mak halo sira taʼuk.”—Miqueias 4:4.

• Halo mundu sai paraízu. “Rai-fuik no rai neʼebé maran-dekor sei haksolok, no rai-tetuk maran sei haksolok no sai nakonu ho ai-funan asafraun.”—Isaias 35:1.

• Sei fó serbisu neʼebé lori kontente ba ema ida-idak. “Sira neʼebé [Maromak] hili ona sei haksolok duni ho serbisu neʼebé sira halo ho sira-nia liman. Sira-nia serbisu makaʼas sei la sai saugati deʼit.”—Isaias 65:21-23.

• Halakon moras. “No la iha ema ida iha rai mak sei dehan: ‘Haʼu moras’.”—Isaias 33:24.

• Ita sei la sai ferik-katuas. “Husik ninia isin sai forte liu fali tempu joven nian, husik nia fila fali ba loron sira neʼebé nia sei iha forsa joven nian.”—Job 33:25.

• Halo ema moris-hiʼas fali husi mate. “Ema hotu neʼebé iha rate laran sei rona ninia lian no sai husi rate.”—João 5:28, 29.