Testemuña ba Jeová mak ema Kristaun ka lae?

Sin, ami mak ema Kristaun, tanba razaun sira tuirmai neʼe:

• Ami hakaʼas an atu halo tuir ho loloos Jesus nia hanorin no ninia hahalok.—1 Pedro 2:21.

• Ami fiar katak Jesus deʼit mak bele lori salvasaun ba ita ema, “la iha naran seluk iha lalehan nia okos neʼebé Maromak hili tiha ona atu salva ita”.—Apóstolu 4:12.

• Bainhira ema ida atu sai Testemuña ba Jeová, nia hetan batizmu hodi Jesus nia naran.—Mateus 28:18, 19.

• Ami halo orasaun ba Maromak hodi Jesus nia naran.—João 15:16.

• Ami fiar katak Jesus mak Ulun, ka ida neʼebé simu ona kbiit atu ukun ema hotu.—1 Korinto 11:3.

Maibé, ami mós iha buat barak neʼebé la hanesan ho relijiaun Kristaun sira seluk. Porezemplu, ami fiar katak Bíblia hanorin Jesus mak Maromak nia Oan, laʼós parte husi Trindade. (Marcos 12:29) Ami la fiar ema mate nia klamar no mós la fiar katak Maromak kastigu ema iha infernu ba nafatin tanba Bíblia la hanorin hanesan neʼe. Ami mós fiar katak ema neʼebé iha knaar atu tau matan ba atividade relijiaun nian, labele bolu sira ho títulu espesiál ruma hodi halo sira sai boot liu fali ema seluk.—Eclesiastes 9:5; Ezequiel 18:4; Mateus 23:8-10.