Testemuña ba Jeová iha ulun-naʼin sira neʼebé simu osan nuʼudar saláriu ka lae?

Testemuña ba Jeová halo tuir ezemplu husi ema Kristaun iha apóstolu sira-nia tempu, tan neʼe ami la iha grupu ulun-naʼin ho grupu leigu sira ka ema baibain. Bainhira ami hetan batizmu, ami hotu sai Maromak nia atan neʼebé iha responsabilidade atu haklaken no hanorin liafuan diʼak husi Bíblia. Baibain kongregasaun ida iha Testemuña maizumenus naʼin-100. Mane sira neʼebé fiar metin no hatudu ezemplu diʼak mak hetan knaar nuʼudar “katuas sira” iha kongregasaun. (Tito 1:5) Sira halaʼo sira-nia knaar hodi la simu osan.