Haʼu prontu ka lae?
Haʼu prontu atu haklaken hamutuk ho kongregasaun ka lae?
Karik Ita bele sai haklaken-naʼin neʼebé seidauk batizmu se Ita . . .
Iha toman atu estuda Bíblia, halo orasaun, no tuir reuniaun sira.
Hafolin no fiar buat neʼebé Ita aprende no hakarak fó sai ida-neʼe ba ema seluk.
Hadomi Jeová no habelun ho ema neʼebé hadomi nia.
Rezigna an husi grupu polítiku no relijiaun falsu hotu neʼebé uluk Ita tuir.
Moris tuir Jeová nia kritéria no hakarak atu sai Testemuña ba Jeová.
Se Ita sente prontu ona atu haklaken hamutuk ho kongregasaun, ema neʼebé estuda ho Ita sei halo arranju atu Ita hasoru katuas sira no koʼalia kona-ba oinsá Ita bele kumpre kritéria.
Haʼu prontu atu hetan batizmu ka lae?
Karik Ita prontu atu hetan batizmu se Ita . . .
Sai ona haklaken-naʼin neʼebé seidauk hetan batizmu.
Hola parte beibeik iha serbisu haklaken tuir Ita-nia kbiit.
Apoia no halo tuir matadalan husi “atan laran-metin no matenek”.—Mateus 24:45-47.
Dedika ona Ita-nia an ba Jeová no hakarak serbí nia ba nafatin.
Se Ita sente prontu ona atu hetan batizmu, ema neʼebé estuda ho Ita sei halo arranju atu Ita hasoru katuas sira no koʼalia kona-ba oinsá Ita bele kumpre kritéria.