Jesus mak ema diʼak deʼit ka lae?

Bíblia nia resposta

Jesus laʼós deʼit ema diʼak. Nia mak ema neʼebé fó influénsia boot liu iha ema nia istória. Hanoin toʼok saida mak matenek-naʼin sira dehan kona-ba Jesus:

“Jesus husi Nazaré . . . mak ema ida neʼebé importante liu iha istória.”—H. G. Wells, Matenek-naʼin kona-ba istória, husi Inglaterra.

“Husi ema neʼebé moris iha planeta mundu, [Jesus] mak ida neʼebé fó influénsia boot liu ba ema iha mundu, no influénsia neʼe kontinua sai boot liután.”—Kenneth Scott Latourette, Matenek-naʼin kona-ba istória, husi Amérika.

Bíblia fó sai tanbasá Jesus fó impaktu neʼebé boot liu fali ema diʼak seluk neʼebé moris iha mundu. Bainhira Jesus husu ninia dixípulu, “Tuir imi-nia hanoin, haʼu neʼe sé?”, sira ida hatán ho loos hodi dehan: “Ita mak Kristu, Maromak moris nia Oan-Mane.”—Mateus 16:15, 16.