Mahaia Mampilitse Andinin-teny

Matio 22:41-45

TY DIKA IZAY: Aloha ty hamakia’o andinin-teny, le mirehafa hevetse kedekede boake amy i andine’e hovakie’oy, amy izay hifantoke soa i mpitsanogney.

TY FOMBA FANOAGNE AZE:

• Rehafo ama’e ty anto’e hamakia’o i andinin-tenỳ. Aloha ty hamakia’o andinin-teny, le mirehafa hevetse boake ao mba hagnampeagne i ndatỳ hahatrea ty hevetse lahibey ao.

• Rehafo ama’e fa boake agnate Baiboly ao ty raha rehafe’o. Naho fa mirehake amy ty ndaty mino an’Andrianagnahare rehe, le asongadigno fa boake amy ty Saontsin’Andrianagnahare ty raha rehafe’o. Ho hita’e amy izay fa heven’Andrianagnahare ty raha ampianare’o.

• Anò ze hahavy aze ho liagne amy i andine’ey. Mametraha fagnonteneagne, le rehafo ama’e fa amy i andine’ey ao ty misy ty vale’e. Ndra mirehafa olagne raike, le rehafo ama’e fa misy vahaolagne ty amy i andine’ey ao. Ndra mirehafa toro lalagne raike, le mamakia tantara boake amy Baiboly ao ahatreavagne aze.