Hajao i Ndatỳ

Akore ty Nampisehoa i Paoly Izay?

VIDEO: Mitory amo o Atenianao ty Paoly

1. Henteo i VIDEO oy ndra vakio ty Asan’ny Apostoly 17:22, 23, le valeo ty fagnonteneagne retoagne:

1. Ino ty nitsapa i Paoly naho fa nahatrea ty raha natao o fivavahan-diso ta Atena taò reke?​—Henteo ty Asan’ny Apostoly 17:16.

2. Akore ty natao i Paoly naho fa nitory tamo o Atenianao?

Ino ty Ianarantikagne Boake amy i Paoly?

2. Mateteke o ndatio ro vognogne hitsanogne antikagne naho filianentika soa ty raha horehafentikagne ama’e, ty fomba irehafantikagne aze vaho ty fotoagne irehafagne aze.

Tsikombeo ty Paoly

3. Filiano soa ty rehake horehafe’o. Naho fa mifampirehake amy ty ndaty tsy Kristiana ohatse rehe, le va’e ho azo’o amboaregne ty fomba hirehafa’o ama’e o Baibolio ndra ty fomba hirehafa’o ty miomba i Jesosy.

4. Ko meke hagnitsy o ndatio. Engao hirehake iareo. Naho mifanipake amy ty fampianara ty Baiboly ty raha rehafe’e, le ko mialy hevetse ama’e. (Jak. 1:19) Naho fa mitsanogne aze soa rehe, le manjare ho hai’o ty raha inoa’e naho ty anto’e mahavy aze mino izay.​—Ohab. 20:5.

5. Naho mbe azo atao, le ekeo avao heike ty raha rehafe’e sady derao reke. Va’e hirehake i ndatỳ tie maregne ty raha ampianare ty fivavahagne misy aze. Kezaho rehafegne heike ze raha iharoagne hevetse ama’e. Ie naho fa avy eo, le ampeo tsikedetsikede reke hahafantatse ty raha ampianare ty Baiboly.