Mikezaha Hanam-paharetagne

Akore ty Nampisehoa i Jesosy Izay?

VIDEO: Nanam-paharetagne ty Jesosy Naho fa Nagnampe i Rahalahi’ey

1. Henteo i VIDEO oy ndra vakio ty Jaona 7:3-5 naho ty 1 Korintianina 15:3, 4, 7, le valeo ty fagnonteneagne retoagne:

1. Nanao akore ty nifihetse i rahalahy i Jesosy rey tamy ty voaloha’e naho fa nitoria’e?

2. Ino ty mampiseho fa tsy nikivy ty Jesosy naho fa nagnampe i Jakoba rahalahi’e?

Ino ty Ianarantikagne Boake amy i Jesosy?

2. Mila manam-paharetagne tikagne satria va’e ho elaela ty ndaty ila’e vaho izay hagneke i talily soay naho oharegne amy ty hafa.

Tsikombeo ty Jesosy

3. Mipaliava fomba sambe hafa. Naho tsy le avy le magneke hianatse Baiboly ty ndaty raike, le ko seregne reke. Naho mete, le mampiasà video ndra lahatsoratse maromaro mba hagnampeagne aze hahatakatse tie akore ty atao naho fa mianatse Baiboly sady ino ty soa rambese’e boake amy izay.

4. Ko mampitaha. Tsy mitovy o ndatio. Naho misy raike amy ty keleia’o ndra fitiliha’o misalasala ty hianatse Baiboly, ndra misy fampianara ty Baiboly tsy eké’e, le fantaro ty anto’e mahavy aze manao izay. Misy amy ty raha inoa’e vao tena lahibey ama’e? Enjehe ty longo’e ndra ty mpiharo tanàgne ama’e vao reke? Engao handeha i fotoagney mba hahafaha’e hieretseretse ty miomba i raha nirehafe’o tama’ey sady hahatsapa’e tie tena lahibey ty raha rehafe ty Baiboly.

5. Mivavaha miomba i ndaty liagney. Mangataha amy i Jehovah mba hahavy azo tsy ho kivy sady hipay hevetse amy ty hagnampeagne aze. Mangataha fagnampeagne amy i Jehovah mba hahafantara’o tie kera fa tsy toko’e hitilike aze sasa rehe naho tsy tena liagne reke.​—1 Kor. 9:26.