Vognogne Hahafoe ty Fotoa’o Naho ty Heri’o vao Rehe?

Tena mandroso ty tapa’e amy ty fandamina i Jehovah an-tane etoy amy izao, le trea tie tanterake ty faminania Isaia. (Is 54:2) Tena ilaegne areke ty fagnoregnagne Anjomba i Fanjakagney, Anjomba fanoagne Havoriambey, naho tragno i sampagne. Mila fikojakojagne o tragno reo naho fa vita, le misy amy ty ila’e havaozegne naho fa mandeha ty fotoagne. Vognogne hahafoe ty fotoa’o naho ty heri’o vao rehe mba hanohagnagne o asa reo? Inogne ty azo’o atao?

• Afake magnalio Anjomba i Fanjakagney rehe, naho fa anjara ty andia-mpitory misy azo ty magnalio

• Mirehafa amy ty Androanavi-pagnahy, naho tea’o ty hahazo fampiofagnagne miomba ty fikojakojagne Anjomba i Fanjakagney

• Afake mameno Fangatahagne ho Mpiasa An-tsitrapo Manao Fanorenana eo An-toerana (DC-50) ka rehe. Amy izay rehe afake magnampe naho fa misy fagnoregnagne ndra fikojakojagne atao amy ty faritse misy anareo eo

• Azo’o atao ka ty mameno Fangatahana ho Mpiasa Antsitrapo (A-19). Amy izay rehe afake manao asa an-tsitrapo amy Betela ao ndra amy ty tragno ampiasae i sampagne agnate ty heregnandro ndra mihoatse izay

ALEFASO TY VIDEO TIHOE TRAGNO VAOVAO HAOREGNE—TAPATAPA’E, LE VALEO RETOA:

• Ino ty porofo fa video ro tena nampiasaegne nanomboke tamy 2014?

• Vao mainke hihamaro ty video haboantikagne amy ty hoavy. Inogne areke ty asa eretserete i fandaminagne hatao, sady haharetse fire taogne?

• Inogne iaby ty raha azo ty mpiasa an-tsitrapo atao amo o asa iohoe?

• Toko’e hameno (DC-50) rehe, le handrambe anjara amy ty asa atao ty Sampan-draharaha Misahana ny Fanorenana eo An-toerana (SFA) naho te handrambe anjara amy ty asa Ramapo. Nagnino zay ro tena ilaegne?

• Ino ty porofo fa i Jehovah ty mitarike o asa iohoe?

• Va’e tsy afake handrambe anjara amo o asa iohoe rehe, noho ty raha iaigna’o. Faie inogne ty azo’o atao mba hanohagnagne o asa iohoe?