Ampeo ty Ndaty Ampianare’o Baiboly mba Hiala amy ty Fahazaran-draty

Ze ndaty managne findesam-batagne malio ro ho fale sady hifandrambe maifitse amy i Jehovah. (1Pe 1:14-16) Naho mikezake hiala amy ty fahazaran-drati’e i mpianatsey le handrambe soa ty keleia’e, ho salama soa ka reke, sady tsy ho lany vola.

Hazavao soa amy iareo ty anto’e nagnomea i Jehovah lily miomba ty findesam-batagne, naho ty soa ho azo’e boake amy izay. Ampeo ty mpiana’o Baiboly mba hagnova ty fomba fisaigna’e, le hanao raha mifagnarake amy izay reke. (Ef 4:22-24) Omeo toky iareo fa hagnampe aze ty Jehovah mba hahavita’e hiala amy ty fahazaran-drati’e. (Fi 4:13) Ampianaro iareo mba hiantehetse amy i Jehovah naho fa misy tsapa hevetse hitarike aze hanota. Ampeo iareo hamantatse ty tsapa hevetse va’e hiseho naho ty fomba hiatrehagne izay. Risiho iareo mba hanagne fahazaragne soa le hiala amy ty fahazaran-drati’e. Ho fale ty mpiana’o Baiboly naho fa nahavita niova noho ty fagnampea i Jehovah.

ALEFASO TY VIDEO TIHOE AMPEO TY NDATY AMPIANARE’O BAIBOLY MBA... HIALA AMY TY FAHAZARAN-DRATY, LE VALEO RETOA:

• 

  Ino ty natao i androanavi-pagnahy rey naho i Nita naho fa nihay iareo ty fahazaran-draty nanagna i Safira?

• 

  Inogne ty raha natao i Nita mba hagnampeagne i Safira?

• 

  Akore ty nagnampea i Jehovah i Safira?