Mampiasa Soa o Baiboly Nalaem-peò vao Rehe?

Ino ty atao tihoe Baiboly nalaem-peo? Tsy ino zay fa ty fangalagne feo i Baiboly Dikan-drehake Tontolo Vaovao Nihavaozegney. Aboake tsikede arake ze azo atao amy ty firehake maro reke. Agnisa ty tena magnampe amo o Baiboly nalaem-peo iohoe ty fampiasaegne ndaty sambe karaza’e amy ze ndaty tantaraegne ao. Atao mazava soa ty famakiagne aze sady misy fihetseham-po mba hampazava soa ty hafatse boake agnate Baiboly ao.

Ino iaby ty soa azo boake amy i Baiboly nalaem-peoy? Maro ty nahatsapa fa nisy voka’e amy ty fomba fiaigna’e ty nifitsanogna’e mateteke i Baiboly nalaem-peoy. Naho fa mitsanogne i feo sambe hafa amy ndaty tantaraegne agnate Baiboly ao rey iareo, le tena manjare azo iareo soa sady mazava amy iareo ze raha voasoratse ao. (Oh 4:5) Ndaty maro ty nahatsapa fa nanjare nitony naho fa nitsanogne i Baiboly nalaem-peoy naho fa nisy raha nampinekoneko aze.​—Sl 94:19.

Misy voka’e bey amy ty fiaignantikagne ty fitsanognagne i Saontsin’Andrianagnaharey. (2Ta 34:19-21) Naho fa misy amy ty firehake hai’o ty ampaha’e amy i Baiboly nalaem-peoy ndra ie iaby, le nagnino naho atao’o fahazaragne ty mitsanogne aze?

ALEFASO TY VIDEO TIHOE FAMPIBOAHAGNE BAIBOLY NALAEM-PEO​—TAPATAPA’E, LE VALEO TOY:

Mandrisike azo hanao ino ty fampiboahagne o Baiboly nalaem-peò?