Ty Tragno Abo Bey i Babela

Nanagn’anake maro i ana-dahy i Noa rey tafara i Safodranoy. Nitombo ty keleia iareo, le nanomboke niparitake magneneke ty tane toy, fa izay ty nisaontsie i Jehovah mialoha.

Tsy nankatò i Jehovah ty keleia i Noa ila’e. Hoe iareo: ‘Andao tika hamboatse tanàgne hisy antikagne. Hamboatse tragno abo bey mitakatse i lagnitsey tikagne, amy izay malaza.’

Tsy nahafale i Jehovah ty raha natao o ndaty reo, le nanapa-kevetse hampijanogne iareo reke. Inogne ty natao’e? Natao’e tsy nitovy tampoke ty fireha o ndaty reo, le nanjare tsy nifankahazo rehake sasa iareo. Nijanogne ty famboaragne i tragnoy naho fa tsy nitovy ty fireha iareo. Nanjare tihoe Babela ty agnara i tanàgney sady “Fikorontagnagne” ty dika’e. Nanomboke nifindra sady niparitake tamy ty tane toy iaby o ndatio. Mbe nanao raty avao iareo ndra tie tamy ty toeragne hafa. Taia ty mbe nisy ndaty nitea i Jehovah? Ho trea amy ty toko magnarake zay.