18 అతను రాజుగా సింహాసనాన్ని అధిష్ఠించినప్పుడు, లేవీయులైన యాజకుల దగ్గర ఉండే ఈ ధర్మశాస్త్రాన్ని తీసుకొని తనకోసం ఒక పుస్తకంలో* నకలు రాసుకోవాలి.+

19 “అది అతని దగ్గర ఉండాలి, అతను తాను జీవించినన్ని రోజులు దాన్ని చదవాలి;+ అలా అతను తన దేవుడైన యెహోవాకు భయపడడం నేర్చుకొని, ఈ ధర్మశాస్త్రంలోని మాటలన్నిటినీ, ఈ శాసనాల్ని పాటిస్తూ వాటి ప్రకారం జీవించగలుగుతాడు.+ 20 అప్పుడతను తన హృదయంలో, తన సహోదరుల కన్నా తాను గొప్పవాణ్ణని అనుకోకుండా ఉంటాడు, అందులోని ఆజ్ఞల నుండి కుడివైపుకు గానీ, ఎడమవైపుకు గానీ తిరగకుండా ఉంటాడు. అలా అతను, అతని కుమారులు చాలాకాలం పాటు ఇశ్రాయేలీయుల మధ్య రాజ్య పరిపాలన చేస్తారు.

16 లేఖనాలన్నిటినీ దేవుడు ప్రేరేపించాడు.+ అవి బోధించడానికి,+ గద్దించడానికి, సరిదిద్దడానికి, దేవుని నీతి ప్రమాణాల ప్రకారం క్రమశిక్షణ ఇవ్వడానికి ప్రయోజనకరంగా ఉంటాయి.+ 17 దానివల్ల దేవుని సేవకుడు ప్రతీ మంచిపని చేయడానికి పూర్తిగా సమర్థుడు అవ్వగలుగుతాడు, పూర్తిగా సిద్ధంగా ఉండగలుగుతాడు.