సామెతలు

12 క్రమశిక్షణను ప్రేమించేవాడు జ్ఞానాన్ని ప్రేమిస్తున్నాడు,+

గద్దింపును అసహ్యించుకునేవాడు మూర్ఖుడు.*+

 2 మంచివాడు యెహోవా ఆమోదం సంపాదించుకుంటాడు,

కుట్రలు పన్నేవాడికి ఆయన తీర్పు తీరుస్తాడు.+

 3 దుష్టత్వం వల్ల ఎవరూ స్థిరపర్చబడరు,*+

నీతిమంతులు ఎప్పటికీ పెరికేయబడరు.

 4 సమర్థురాలైన భార్య తన భర్తకు కిరీటం,+

అవమానం తెచ్చేలా ప్రవర్తించే భార్య అతని ఎముకలకు కుళ్లు.+

 5 నీతిమంతుల ఆలోచనల్లో న్యాయం ఉంటుంది,

దుష్టుల నిర్దేశంలో మోసం ఉంటుంది.

 6 దుష్టుల మాటలు రక్తం చిందించడానికి పొంచివుండే శత్రువు లాంటివి,+

కానీ నిజాయితీపరుల నోరు వాళ్లను కాపాడుతుంది.+

 7 దుష్టులు పడిపోయినప్పుడు లేకుండా పోతారు,

అయితే నీతిమంతుల ఇల్లు నిలిచివుంటుంది.+

 8 ఒక వ్యక్తి మాటల్లోని బుద్ధిని బట్టి ప్రజలు అతన్ని పొగుడుతారు,+

అయితే వంకర హృదయం గలవాళ్లను నీచంగా చూస్తారు.+

 9 ఆహారం లేకపోయినా గొప్పలు చెప్పుకునే వ్యక్తి కన్నా,

సేవకుడు ఉన్న మామూలు వ్యక్తి మెరుగైన స్థితిలో ఉన్నాడు.+

10 నీతిమంతుడు తన పశువుల బాగోగులు చూసుకుంటాడు,+

అయితే దుష్టుల కరుణ కూడా క్రూరంగా ఉంటుంది.

11 తన భూమిని సాగుచేసేవాడికి సమృద్ధిగా ఆహారం ఉంటుంది,+

పనికిమాలిన వాటిని వెంటాడేవాడు వివేచన లేనివాడు.

12 చెడ్డవాళ్లు దోచుకున్నదాన్ని చూసి దుష్టుడు ఈర్ష్యపడతాడు,

నీతిమంతుల వేరు ఫలిస్తుంది.

13 చెడ్డవాడు తన పాపపు మాటల వల్ల ఉరిలో చిక్కుకుంటాడు,+

నీతిమంతుడు ఆపదను తప్పించుకుంటాడు.

14 తన నోటి మాటల వల్ల ఒక వ్యక్తికి మంచి జరుగుతుంది,+

తన చేతుల కష్టం వల్ల అతను ప్రతిఫలం పొందుతాడు.

15 తెలివితక్కువవాడికి తన దారి సరైనదిగా కనిపిస్తుంది,+

అయితే తెలివిగలవాడు సలహా* స్వీకరిస్తాడు.+

16 తెలివితక్కువవాడు తన చిరాకును వెంటనే* చూపిస్తాడు,+

అయితే వివేకం* గలవాడు అవమానాన్ని పట్టించుకోడు.*

17 నమ్మకమైన సాక్షి నిజమే* మాట్లాడతాడు,

అబద్ధ సాక్షి మోసకరంగా మాట్లాడతాడు.

18 ఆలోచించకుండా మాట్లాడే మాటలు కత్తిపోట్ల లాంటివి,

తెలివిగలవాళ్ల మాటలు గాయాల్ని నయం చేస్తాయి.+

19 నిజం మాట్లాడే పెదాలు ఎప్పటికీ నిలిచివుంటాయి,+

అబద్ధాలాడే నాలుక క్షణకాలమే ఉంటుంది.+

20 కుట్రలు పన్నేవాళ్ల హృదయంలో మోసం ఉంటుంది,

శాంతి కోసం కృషి చేసేవాళ్లు సంతోషంగా ఉంటారు.+

21 నీతిమంతునికి ఏ హానీ కలగదు,+

దుష్టులకు అన్నీ కష్టాలే.+

22 అబద్ధాలాడే పెదాలు యెహోవాకు అసహ్యం,+

నమ్మకంగా ప్రవర్తించేవాళ్లను చూసి ఆయన సంతోషిస్తాడు.

23 వివేకం* గలవాడు తనకు తెలిసింది బయటికి చెప్పడు,

కానీ తెలివితక్కువవాళ్ల హృదయం వాళ్ల తెలివితక్కువతనాన్ని వెళ్లగక్కుతుంది.+

24 శ్రద్ధగా పనిచేసేవాళ్లు ఏలతారు,+

బద్దకస్తులు వెట్టిచాకిరి చేయాల్సి వస్తుంది.+

25 హృదయంలో ఉన్న ఆందోళన దాన్ని* కృంగదీస్తుంది,+

మంచి మాట దాన్ని సంతోషపెడుతుంది.+

26 నీతిమంతులు పచ్చిక మైదానాల కోసం వెదుకుతారు,

అయితే దుష్టుల ప్రవర్తన వాళ్లను తప్పుదారి పట్టిస్తుంది.

27 బద్దకస్తుడు వేట జంతువు వెనక పరుగెత్తడు,+

కష్టపడే స్వభావమే మనిషి అమూల్యమైన ఆస్తి.

28 నీతి మార్గం జీవానికి నడిపిస్తుంది,+

ఆ దారిలో మరణమే ఉండదు.