కీర్తనలు

5 యెహోవా, నా మాటలు ఆలకించు;+

నా నిట్టూర్పుల్ని పట్టించుకో.

 2 నా రాజా, నా దేవా, సహాయం కోసం నేను పెట్టే మొరను లక్ష్యపెట్టు;

ఎందుకంటే నీకే నేను ప్రార్థిస్తున్నాను.

 3 యెహోవా, ఉదయం నువ్వు నా స్వరం వింటావు;+

ఉదయం నా ఆందోళనను నీకు చెప్పుకొని+ వేచివుంటాను.

 4 నువ్వు దుష్టత్వాన్ని చూసి సంతోషించే దేవుడివి కాదు;+

చెడ్డవాళ్లెవ్వరికీ నీ దగ్గర చోటులేదు.+

 5 అహంకారులెవ్వరూ నీ సమక్షంలో నిలబడలేరు.

దుర్మార్గంగా ప్రవర్తించేవాళ్లందర్నీ నువ్వు ద్వేషిస్తావు;+

 7 అయితే నేను, నీ గొప్ప విశ్వసనీయ ప్రేమను బట్టి+ నీ ఆలయంలోకి+ వస్తాను;

నీ మీద భయభక్తులతో నీ పవిత్ర ఆలయం* వైపు తిరిగి నమస్కరిస్తాను.+

 8 యెహోవా, నా చుట్టూ ఉన్న శత్రువుల్ని బట్టి నన్ను నీ నీతి మార్గంలో నడిపించు;

నేను తడబడకుండా నడిచేలా దాన్ని సరాళం చేయి.+

 9 వాళ్లు చెప్పేదేదీ నమ్మలేం;

వాళ్ల హృదయాల్లో చెడు తప్ప ఇంకేమీ లేదు;

వాళ్ల గొంతు తెరిచివున్న సమాధి;

వాళ్లు తమ నాలుకతో పొగుడుతారు.*+

10 అయితే దేవుడు వాళ్లను అపరాధులుగా తీర్పు తీరుస్తాడు;

వాళ్ల పన్నాగాలే వాళ్ల పతనానికి దారితీస్తాయి.+

వాళ్ల అనేక అపరాధాల కారణంగా వాళ్లు వెళ్లగొట్టబడాలి,

ఎందుకంటే, వాళ్లు నీ మీద తిరుగుబాటు చేశారు.

11 కానీ నిన్ను ఆశ్రయించేవాళ్లందరూ ఉల్లసిస్తారు;+

వాళ్లు ఎప్పుడూ సంతోషంతో కేకలు వేస్తారు.

నువ్వు వాళ్ల దగ్గరికి ఎవ్వర్నీ రానివ్వవు,

నీ పేరును ప్రేమించేవాళ్లు నిన్ను బట్టి ఉల్లసిస్తారు.

12 ఎందుకంటే యెహోవా, నువ్వు నీతిమంతుల్ని ఆశీర్వదిస్తావు;

వాళ్లమీద అనుగ్రహం చూపిస్తావు, పెద్ద డాలులా వాళ్లను కాపాడతావు.+