యిర్మీయా

తెకోవలో+ బూర* ఊదండి;+

బేత్‌-హక్కెరెములో సూచనగా మంట వెలిగించండి!

వాళ్లు ఆమె చుట్టూ డేరాలు వేసుకుంటారు,+

ప్రతీ ఒక్కరు తమ స్థలంలో మందను మేపుతారు.+

“అయ్యో, మనకు శ్రమ! పొద్దు గ్రుంకుతోంది,

సాయంకాల నీడలు పొడవౌతున్నాయి!”

 5 “లెండి, రాత్రిపూట దాడిచేసి

ఆమె పటిష్ఠమైన బురుజుల్ని నాశనం చేద్దాం.”+

అది శిక్షించబడాల్సిన నగరం;

ఆమెలో ఎక్కడ చూసినా అణచివేతే కనిపిస్తుంది.+

 7 బావిలో నుండి చల్లని నీళ్లు ఊరినట్టు,

ఆమెలో నుండి దుష్టత్వం ఊరుతుంది.

దౌర్జన్యం, వినాశనం జరుగుతున్న శబ్దం ఆమెలో వినిపిస్తుంది;+

ఎప్పుడూ అనారోగ్యం, తెగులే కనిపిస్తున్నాయి.

 8 యెరూషలేమా, హెచ్చరికను విను.

లేదంటే నిన్ను అసహ్యించుకుని నీ దగ్గర నుండి వెళ్లిపోతాను;+

ఇదిగో! వాళ్లు యెహోవా వాక్యాన్ని ఎగతాళి చేస్తున్నారు;+

వాళ్లు దాన్ని ఏమాత్రం ఇష్టపడట్లేదు.

11 నేను యెహోవా కోపంతో నిండిపోయాను,

దాన్ని అణుచుకొనీ అణుచుకొనీ అలసిపోయాను.”+

“వీధిలోని పిల్లల మీద,

యువకుల గుంపుల మీద దాన్ని కుమ్మరించు.+

వాళ్లంతా చెరపట్టబడతారు,

భర్త, భార్య, ముసలివాళ్లు, పండు ముసలివాళ్లు అంతా చెరపట్టబడతారు.+

12 వాళ్ల ఇళ్లు, వాళ్ల పొలాలు, వాళ్ల భార్యలు వేరేవాళ్ల సొంతమౌతాయి,+

ఎందుకంటే, నేను దేశ నివాసుల మీద నా చెయ్యి చాపుతాను” అని యెహోవా ప్రకటిస్తున్నాడు.

13 “సామాన్యుల నుండి గొప్పవాళ్ల వరకు అందరూ అక్రమంగా సంపాదిస్తున్నారు;+

ప్రవక్తల నుండి యాజకుల వరకు అందరూ మోసం చేస్తున్నారు.+

14 శాంతి లేకపోయినా ‘శాంతి ఉంది! శాంతి ఉంది!’ అని చెప్తూ

వాళ్లు నా ప్రజల గాయాన్ని పైపైనే నయం చేస్తున్నారు.+

పురాతన దారుల గురించి అడగండి,

మంచి దారి ఏదో అడిగి తెలుసుకొని, దానిలో నడవండి,+

అలా విశ్రాంతి పొందండి.”

17 “నేను కావలివాళ్లను నియమించాను.+

వాళ్లు, ‘బూర ధ్వనిని+ శ్రద్ధగా వినండి!’ అని చెప్పారు.”

సమాజమా, వాళ్లకు ఏం జరుగుతుందో తెలుసుకో.

19 భూమీ, విను!

ఈ ప్రజల కుట్రల్ని బట్టి

నేను వాళ్లమీదికి విపత్తు రప్పిస్తున్నాను,+

ఎందుకంటే, వాళ్లు నా మాటల్ని పట్టించుకోలేదు,

వాళ్లు నా ధర్మశాస్త్రాన్ని* తిరస్కరించారు.”

20 “నువ్వు షేబ నుండి సాంబ్రాణి తీసుకొస్తే నాకేంటి?

దూరదేశం నుండి సువాసన మొక్క తీసుకొస్తే నాకేంటి?

మీ సంపూర్ణ దహనబలుల్ని నేను అంగీకరించట్లేదు,

మీ బలుల్ని చూసి నేను సంతోషించట్లేదు.”+

“ఈ ప్రజల కోసం నేను అడ్డురాళ్లు పెడుతున్నాను,

వాళ్లు వాటికి తట్టుకొని పడిపోతారు,

తండ్రులు, కుమారులు,

పొరుగువాడు, అతని సహచరుడు,

అందరూ నశించిపోతారు.”+

“ఇదిగో! ఉత్తర దేశం నుండి ఒక జనం వస్తుంది,

భూమ్మీది సుదూర ప్రాంతాల నుండి ఒక గొప్ప జనం బయల్దేరుతుంది.+

వాళ్ల స్వరం సముద్ర ఘోషలా ఉంటుంది,

వాళ్లు గుర్రాలమీద స్వారీ చేస్తారు.+

మన చేతులు పడిపోయాయి;+

విపత్తు మనమీదికి ముంచుకొచ్చింది,

ప్రసవించే స్త్రీ వేదన లాంటి వేదన మనల్ని పట్టుకుంది.+

25 పొలంలోకి వెళ్లకు,

దారిలో నడవకు,

ఎందుకంటే, శత్రువు దగ్గర కత్తి ఉంది;

అంతటా భయం అలుముకుంది.

26 నా ప్రజల కూతురా,

గోనెపట్ట కట్టుకుని+ బూడిదలో దొర్లు.

ఒక్కగానొక్క కుమారుడి కోసం ఏడ్చినట్టు వెక్కివెక్కి ఏడ్వు,+

ఎందుకంటే, నాశనం చేసేవాడు హఠాత్తుగా మనమీదికి వస్తాడు.+

27 “నేను నిన్ను* నా ప్రజల మధ్య లోహాన్ని పరీక్షించేవాడిగా,

క్షుణ్ణంగా పరిశీలించేవాడిగా చేశాను;

నువ్వు వాళ్లమీద దృష్టిపెట్టి వాళ్లేం చేస్తున్నారో జాగ్రత్తగా గమనించాలి.

28 వాళ్లంతా చాలాచాలా మొండివాళ్లు,+

వాళ్లు లేనిపోనివి కల్పించి చెప్పుకుంటూ తిరుగుతారు.+

వాళ్లు రాగి లాంటివాళ్లు, ఇనుము లాంటివాళ్లు;

వాళ్లంతా భ్రష్టులు.

ఎంత కష్టపడి శుద్ధి చేసినా ఫలితం లేదు,+

చెడ్డవాళ్లు వేరుచేయబడలేదు.+

30 ప్రజలు వాళ్లను, తిరస్కరించబడిన వెండి అని అంటారు,

ఎందుకంటే యెహోవా వాళ్లను తిరస్కరించాడు.”+