హబక్కూకు
3 హబక్కూకు ప్రవక్త చేసిన ప్రార్థన, శోకగీతాలు:
2 యెహోవా, నీ గురించిన వార్త విన్నాను.
యెహోవా, నీ పనుల్ని చూసి సంభ్రమాశ్చర్యంలో మునిగిపోయాను.
మా కాలంలో* మళ్లీ వాటిని చేయి!
మా కాలంలో* వాటిని తెలియజేయి.
కోప్పడుతూనే కరుణ చూపించడం మర్చిపోకు.+
ఆయన మహిమ ఆకాశాన్ని కప్పేసింది;+
భూమి ఆయన కీర్తితో నిండిపోయింది.
4 ఆయన తేజస్సు వెలుగు లాంటిది.+
ఆయన చేతి నుండి రెండు కిరణాలు ప్రసరించాయి,
అక్కడే ఆయన శక్తి దాగివుంది.
6 ఆయన స్థిరంగా నిలబడి భూమిని కుదిపేశాడు.+
ఒక్క చూపుతో దేశాలు ఉలిక్కిపడి లేచేలా చేశాడు.+
అనాది నుండి ఉన్న పర్వతాలు బద్దలయ్యాయి,
ప్రాచీనకాలం నుండి ఉన్న కొండలు మోకరిల్లాయి.+
ఇవి ఆయన పురాతన మార్గాలు.
7 కూషీయుల డేరాల్లో విపత్తును చూశాను.
మిద్యానీయుల డేరాల తెరలు వణికిపోయాయి.+
8 యెహోవా, నీకు కోపం వచ్చింది నదుల మీదనా?
నీ కోపం మండుతున్నది నదుల మీదనా?
లేదా నీ ఆగ్రహం సముద్రం మీదనా?+
9 నువ్వు నీ విల్లును తీసి ఎక్కుపెట్టావు.
కర్రలు* ప్రమాణపూర్వకంగా నియమించబడ్డాయి.* (సెలా)
నువ్వు నదులతో భూమిని చీలుస్తున్నావు.
10 నిన్ను చూసి పర్వతాలు నొప్పితో మెలికలు తిరిగిపోయాయి.+
కుండపోతగా కురిసిన నీళ్లు దేశంలో ప్రవహించాయి.
అగాధ జలాలు బిగ్గరగా గర్జించాయి.+
అవి ఉవ్వెత్తున ఎగసిపడ్డాయి.
11 సూర్యుడు, చంద్రుడు తమ ఉన్నత నివాసాల్లో ఉండిపోయారు.+
నీ బాణాలు వెలుగులా దూసుకెళ్లాయి.+
నీ ఈటె తళతళ మెరిసింది.
12 విపరీతమైన కోపంతో నువ్వు భూమ్మీద సంచరించావు.*
ఆగ్రహంతో దేశాల్ని అణగదొక్కావు.*
13 నీ ప్రజల్ని రక్షించడానికి, నీ అభిషిక్తుణ్ణి కాపాడడానికి నువ్వు బయల్దేరావు.
దుష్టుల ఇంటి నాయకుణ్ణి చితగ్గొట్టావు.
పునాది నుండి పైకప్పు* వరకు అది ధ్వంసమైంది. (సెలా)
14 నన్ను చెదరగొట్టడానికి వాళ్లు తుఫానులా వచ్చినప్పుడు,
నువ్వు అతని యోధుల తలల్ని అతని ఆయుధాలతోనే* నరికేశావు.
కష్టాల్లో ఉన్నవాణ్ణి రహస్యంగా మింగేయడం వాళ్లకెంతో ఇష్టం.
15 నువ్వు నీ గుర్రాలతో
సముద్రం గుండా, ఉప్పొంగుతున్న విస్తార జలాల గుండా వచ్చావు.
నా ఎముకలు కుళ్లిపోసాగాయి.+
నా కాళ్లు గజగజలాడాయి.
అయినా నేను, వేదన కలిగించే ఆ రోజు కోసం మౌనంగా ఎదురుచూస్తాను,+
ఎందుకంటే, అది మా మీద దాడిచేసే వాళ్లమీదికి వస్తోంది.
17 అంజూర చెట్టు పూత వేయకపోయినా,
ద్రాక్షతీగలు ఫలించకపోయినా;
ఒలీవ చెట్లు కాపు కాయకపోయినా,
పొలాల్లో పంట పండకపోయినా;
దొడ్డిలో గొర్రెలు లేకుండాపోయినా,
సాలల్లో పశువులు లేకపోయినా;
18 నేను మాత్రం యెహోవాను బట్టి ఆనందిస్తాను;
నా రక్షకుడైన దేవుణ్ణి బట్టి సంతోషిస్తాను.+
నన్ను ఎత్తైన స్థలాల్లో నడిచేలా చేస్తాడు,+
సంగీత నిర్దేశకునికి; నా తంతివాద్యాలతో.