కీర్తనలు
74 దేవా, మమ్మల్ని ఎందుకు శాశ్వతంగా విడిచిపెట్టేశావు?+
నువ్వు మేపే మంద మీద నీ కోపం ఎందుకు రగులుకుంది?*+
2 చాలాకాలం క్రితం నువ్వు సంపాదించుకున్న ప్రజల్ని*+ గుర్తుచేసుకో,
నీ స్వాస్థ్యంగా నువ్వు విడిపించిన గోత్రాన్ని+ గుర్తుచేసుకో.
నువ్వు నివసించిన సీయోను పర్వతాన్ని+ గుర్తుచేసుకో.
3 దీర్ఘకాల శిథిలాల వైపు అడుగులు వేయి.+
పవిత్ర స్థలంలోని ప్రతీదాన్ని శత్రువులు నాశనం చేశారు.+
4 నీ ఆలయం* లోపల నీ శత్రువులు గర్జించారు.+
అక్కడ వాళ్లు తమ ధ్వజాలు నిలబెట్టారు.
5 వాళ్లు దట్టమైన అడవి మీదికి గొడ్డలి ఎత్తే మనుషుల్లా ఉన్నారు.
6 వాళ్లు గొడ్డళ్లతో, ఇనుప కడ్డీలతో ఆలయ చెక్కడాలన్నిటినీ+ పగలగొట్టారు.
7 వాళ్లు నీ పవిత్రమైన స్థలానికి నిప్పంటించారు.+
నీ పేరు పెట్టబడిన గుడారాన్ని కూల్చేసి, దాన్ని అపవిత్రపర్చారు.
8 “దేశంలోని దేవుని సమావేశ స్థలాలన్నిటినీ* తగలబెట్టాలి”
అని వాళ్లు, వాళ్ల పిల్లలు తమ హృదయాల్లో అనుకున్నారు.
9 మా కోసం అక్కడ ఒక్క సూచన కూడా కనిపించట్లేదు;
ఒక్క ప్రవక్త కూడా మిగల్లేదు,
ఇలా ఎంతకాలం ఉంటుందో మాలో ఎవరికీ తెలీదు.
10 దేవా, ఎంతకాలం విరోధులు నిన్ను దూషిస్తూ ఉంటారు?+
శత్రువులు నీ పేరును ఎప్పటికీ అవమానిస్తూనే ఉంటారా?+
11 నీ చేతిని, నీ కుడిచేతిని ఎందుకు వెనక్కి తీసుకున్నావు?+
నీ వస్త్రం మడతల్లో నుండి దాన్ని బయటికి తీసి, వాళ్లను అంతం చేయి.
12 చాలాకాలం నుండి దేవుడే నా రాజు,
భూమ్మీద రక్షణ కార్యాలు చేసేది ఆయనే.+
16 పగలు నీదే, రాత్రి నీదే.
వెలుగును, సూర్యుణ్ణి నువ్వే చేశావు.+
18 యెహోవా, శత్రువుల దూషణల్ని గుర్తుచేసుకో,
మూర్ఖులైన ప్రజలు నీ పేరును ఎలా అవమానిస్తున్నారో గుర్తుచేసుకో.+
19 నీ గువ్వ ప్రాణాన్ని అడవి మృగాలకు అప్పగించకు.
కష్టాల్లో ఉన్న నీ ప్రజల్ని శాశ్వతంగా మర్చిపోకు.
20 మాతో చేసిన ఒప్పందాన్ని గుర్తుచేసుకో,
భూమ్మీది చీకటి స్థలాలు దౌర్జన్యం చేసేవాళ్ల నివాసాలతో నిండిపోయాయి.
22 దేవా, లేచి నీ వ్యాజ్యాన్ని వాదించు.
మూర్ఖులు రోజంతా నిన్ను ఎలా దూషిస్తున్నారో గుర్తుచేసుకో.+
23 నీ శత్రువులు అంటున్న మాటల్ని మర్చిపోకు.
నిన్ను ఎదిరిస్తున్నవాళ్ల కేకలు ఆకాశాన్ని అంటుతున్నాయి.