సామెతలు

 2 నా కుమారుడా, నేను నీకేం చెప్పాలి?

నా కడుపున పుట్టిన కుమారుడా,

నా మొక్కుబళ్ల ఫలితంగా పుట్టిన కుమారుడా,+ నీకేం చెప్పాలి?

 3 నీ బలాన్ని స్త్రీలకు ఇవ్వకు,+

రాజుల్ని నాశనం చేసే మార్గాల్లో నడవకు.+

 4 లెమూయేలూ, ద్రాక్షారసం తాగడం రాజులకు తగదు,

అవును, అది రాజులకు తగదు;

“నా మద్యం ఏది?” అని అనడం పాలకులకు తగదు.+

 5 ఎందుకంటే వాళ్లు మద్యం తాగితే, చట్టాల్ని మర్చిపోయి,

దీనుల హక్కులకు భంగం కలిగిస్తారు.

 6 నశించిపోతున్న వాళ్లకు మద్యం ఇవ్వండి,+

దుఃఖంలో మునిగిపోయిన వాళ్లకు ద్రాక్షారసం ఇవ్వండి.+

 7 వాళ్లు తాగి తమ పేదరికాన్ని మర్చిపోతారు;

తమ కష్టాన్ని ఇక గుర్తుచేసుకోరు.

 8 నోరులేని వాళ్ల తరఫున మాట్లాడు;

నశించిపోతున్న వాళ్లందరి హక్కులు కాపాడు.+

 9 అవును వాళ్ల తరఫున మాట్లాడు, నీతిగా తీర్పు తీర్చు;

దీనుల, పేదవాళ్ల హక్కులు కాపాడు.*+

11 ఆమె భర్త ఆమెను హృదయపూర్వకంగా నమ్ముతాడు,

విలువైనదేదీ అతనికి తక్కువ కాదు.

12 ఆమె బ్రతికినన్ని రోజులు

అతనికి మంచే చేస్తుంది తప్ప చెడు చేయదు.

13 ఆమె ఉన్నిని, నారను పోగుచేస్తుంది;

తన చేతులతో కష్టపడడమంటే ఆమెకు చాలా ఇష్టం.+

14 వర్తకుని ఓడల్లా+

ఆమె చాలాదూరం నుండి ఆహారం తెచ్చుకుంటుంది.

15 చీకటితోనే నిద్రలేచి

తన ఇంటివాళ్ల కోసం ఆహారాన్ని,

సేవకురాళ్ల కోసం వంతుల్ని సిద్ధంచేస్తుంది.+

16 ఆమె ఒక పొలం గురించి ఆలోచించి దాన్ని కొంటుంది;

తన కష్టార్జితంతో* ఒక ద్రాక్షతోట నాటిస్తుంది.

17 కష్టపడి పనిచేయడానికి ఆమె తన నడుం కట్టుకుంటుంది,+

తన చేతులతో ప్రయాసపడుతుంది.

18 తన వ్యాపారం లాభసాటిగా ఉందని ఆమె గమనిస్తుంది;

రాత్రిపూట ఆమె దీపం ఆరిపోదు.

19 ఆమె పంటెను, కదురును* తీసుకొని

తన చేతులతో వడుకుతుంది.+

20 తన చెయ్యి చాపి

దీనులకు, పేదవాళ్లకు సహాయం చేస్తుంది.+

21 మంచు కురుస్తున్నప్పుడు ఆమె తన ఇంటివాళ్ల గురించి ఆందోళనపడదు,

ఎందుకంటే వాళ్లంతా వెచ్చని* దుస్తులు వేసుకొని ఉంటారు.

23 ఆమె భర్త నగర ద్వారాల దగ్గర సుపరిచితుడు,+

అక్కడ అతను దేశ పెద్దలతో పాటు కూర్చుంటాడు.

24 ఆమె నారవస్త్రాలు* తయారుచేసి అమ్ముతుంది,

వర్తకులకు దట్టీలు సరఫరా చేస్తుంది.

25 ఆమె బలాన్ని, వైభవాన్ని వస్త్రంలా ధరిస్తుంది,

భవిష్యత్తు గురించి ఆమె ఏమాత్రం భయపడదు.

26 ఆమె తెలివితో నోరు తెరుస్తుంది;+

ఉపదేశించేటప్పుడు దయగా మాట్లాడుతుంది.*

27 ఆమె తన ఇంటివాళ్ల నడతను బాగా గమనిస్తుంది,

పని చేయకుండా ఆమె భోజనం చేయదు.+

28 ఆమె పిల్లలు లేచి ఆమెను ధన్యురాలు* అంటారు;

ఆమె భర్త లేచి ఆమెను ఇలా పొగుడుతాడు:

29 “సమర్థవంతులైన* స్త్రీలు చాలామంది ఉన్నారు,

అయితే నువ్వు వాళ్లందర్నీ మించిన దానివి.”

30 అందం అబద్ధం కావచ్చు, సౌందర్యం నశించిపోవచ్చు,*+

అయితే యెహోవాకు భయపడే స్త్రీ ప్రశంసలు పొందుతుంది.+

31 ఆమె చేసినదానికి ఆమెకు ప్రతిఫలం ఇవ్వు,+

ఆమె చేసిన పనుల్ని బట్టి నగర ద్వారాల దగ్గర ఆమెను పొగడాలి.+