కీర్తనలు
గీతం. కోరహు కుమారుల శ్రావ్యగీతం.+ సంగీత నిర్దేశకునికి సూచన; మాహలతు* అనే శైలిలో వంతులవారీగా పాడాలి. ఎజ్రాహీయుడైన హేమాను+ మాస్కిల్‌.*
4 ఇప్పటికే నేను గోతిలోకి* దిగిపోయేవాళ్లలో ఒకడిగా ఎంచబడుతున్నాను;+
5 చనిపోయినవాళ్ల మధ్య విడవబడ్డాను.
సమాధిలో పడివున్న హతునిలా,
నువ్వు ఇక గుర్తుచేసుకోని వ్యక్తిలా,
నీ సంరక్షణ* నుండి దూరమైన వాడిలా ఉన్నాను.
6 నువ్వు నన్ను లోతైన గోతిలో,
చీకటిగా ఉన్న స్థలాల్లో, పెద్ద అగాధంలో ఉంచావు.
7 నీ ఉగ్రత నా మీద భారంగా ఉంది,+
ఢీకొట్టే నీ అలలతో నువ్వు నన్ను ముంచెత్తుతున్నావు. (సెలా)
8 నువ్వు నా పరిచయస్థుల్ని నాకు దూరం చేశావు;+
వాళ్ల దృష్టిలో నన్ను నీచుడిగా చేశావు.
నేను ఇరుక్కుపోయాను, బయటపడలేకపోతున్నాను.
9 బాధ వల్ల నా కళ్లు క్షీణించిపోయాయి.+
యెహోవా, రోజంతా నేను నీకు మొరపెడుతూ ఉన్నాను;+
నీ వైపే నా చేతులు చాపుతున్నాను.
10 నువ్వు చనిపోయినవాళ్ల కోసం అద్భుతాలు చేస్తావా?
చనిపోయినవాళ్లు లేచి నిన్ను స్తుతిస్తారా?+ (సెలా)
11 సమాధిలో నీ విశ్వసనీయ ప్రేమ,
నాశనస్థలంలో* నీ నమ్మకత్వం ప్రకటించబడతాయా?
12 చీకట్లో నీ అద్భుతాలు,
అజ్ఞాత స్థలంలో నీ నీతి చాటించబడతాయా?+
13 యెహోవా, ఇంకా నేను నీ సహాయం కోసం మొరపెడుతూనే ఉన్నాను,+
ప్రతీ ఉదయం నా ప్రార్థన నీ సన్నిధికి చేరుతుంది.+
14 యెహోవా, నన్నెందుకు తిరస్కరిస్తున్నావు?+
ఎందుకు నీ ముఖం నా నుండి పక్కకు తిప్పుకున్నావు?+
15 చిన్నప్పటి నుండి నేను కష్టాలు అనుభవించాను,
ఎప్పుడూ చావుకు దగ్గర్లో ఉన్నాను;+
నువ్వు నాకు రానిచ్చిన ఘోరమైన కష్టాల వల్ల నేను మొద్దుబారిపోయాను.
16 నీ కోపాగ్ని నన్ను ఉక్కిరిబిక్కిరి చేస్తోంది;+
నీ భయాలు నన్ను నాశనం చేస్తున్నాయి.
17 అవి రోజంతా నీళ్లలా నన్ను చుట్టుముడుతున్నాయి;
అన్నివైపుల నుండి* నా మీదికి వస్తున్నాయి.
18 నువ్వు నా స్నేహితుల్ని, నా సహవాసుల్ని నాకు దూరం చేశావు;+
ఇప్పుడు చీకటి మాత్రమే నా సహవాసి.