యెషయా
61 సర్వోన్నత ప్రభువైన యెహోవా పవిత్రశక్తి నా మీద ఉంది,+
సాత్వికులకు మంచివార్త ప్రకటించడానికి యెహోవా నన్ను అభిషేకించాడు.+
నలిగిన హృదయం గలవాళ్లను బాగుచేయడానికి,
బందీలకు విడుదలను ప్రకటించడానికి,
ఖైదీల కళ్లు పెద్దగా తెరవబడతాయని ప్రకటించడానికి ఆయన నన్ను పంపాడు.+
2 యెహోవా అనుగ్రహ సంవత్సరం గురించి,
మన దేవుని ప్రతీకార రోజు+ గురించి ప్రకటించడానికి,
దుఃఖించే వాళ్లందర్నీ ఓదార్చడానికి+ ఆయన నన్ను పంపాడు.
3 సీయోను విషయంలో దుఃఖిస్తున్న వాళ్లకు
బూడిదకు బదులు అలంకార కిరీటాన్ని,
ఏడ్పుకు బదులు సంతోష తైలాన్ని,
కృంగిపోయిన మనసుకు బదులు స్తుతి వస్త్రాన్ని ఇవ్వడానికి ఆయన నన్ను పంపాడు.
4 వాళ్లు పురాతన శిథిలాల్ని తిరిగి నిర్మిస్తారు;
ఒకప్పటి నిర్మానుష్య స్థలాల్ని మళ్లీ నిలబెడతారు,+
నాశనమైన నగరాల్ని,
తరతరాలపాటు నిర్మానుష్యంగా పడివున్న స్థలాల్ని+ బాగుచేస్తారు.+
5 “అపరిచితులు వచ్చి మీ గొర్రెల మందల్ని కాస్తారు,
పరదేశులు+ మీ రైతులుగా, మీ ద్రాక్షతోటల కాపలావాళ్లుగా ఉంటారు.+
మీరు దేశాల వనరుల్ని అనుభవిస్తారు,+
వాళ్ల మహిమగల సంపదల్ని బట్టి మీరు గొప్పలు చెప్పుకుంటారు.
7 మీరు అవమానానికి బదులు రెట్టింపు గౌరవం పొందుతారు,
అవమానం పాలయ్యే బదులు సంతోషంతో కేకలు వేస్తారు.
అవును, వాళ్లు తమ దేశంలో రెండుపాళ్లు పొందుతారు.+
నిత్య సంతోషం వాళ్ల సొంతమౌతుంది.+
నేను నమ్మకంగా వాళ్ల జీతం వాళ్లకు ఇస్తాను,
వాళ్లతో శాశ్వత ఒప్పందం చేస్తాను.+
వాళ్లను చూసేవాళ్లందరూ
వాళ్లు యెహోవా దీవించినవాళ్ల సంతానమని+ గుర్తుపడతారు.”
10 నేను యెహోవాను బట్టి చాలా సంతోషిస్తాను.
నా ప్రాణమంతా నా దేవుణ్ణి బట్టి సంతోషిస్తుంది.+