కీర్తనలు

 3 రాజుల* మీద గానీ, మనుషుల మీద గానీ నమ్మకం పెట్టుకోకండి,

వాళ్లు రక్షణను తీసుకురాలేరు.+

 4 వాళ్ల ఊపిరి* వెళ్లిపోతుంది, వాళ్లు తిరిగి మట్టికి చేరుకుంటారు;+

ఆ రోజే వాళ్ల ఆలోచనలు కూడా నశించిపోతాయి.+

 5 సహాయం కోసం యాకోబు దేవునికి మొరపెట్టే వాళ్లు,*+

తమ దేవుడైన యెహోవా మీద ఆశపెట్టుకునే వాళ్లు ధన్యులు;*+

 6 ఆయనే భూమ్యాకాశాల్ని,

సముద్రాన్ని, వాటిలో ఉన్న వాటన్నిటినీ తయారుచేశాడు,+

ఆయన ఎప్పటికీ నమ్మకంగానే ఉంటాడు;+

 7 మోసగించబడిన వాళ్లకు న్యాయం చేసేది,

ఆకలిగా ఉన్నవాళ్లకు ఆహారం ఇచ్చేది ఆయనే.+

 8 యెహోవా గుడ్డివాళ్ల కళ్లు తెరుస్తున్నాడు;+

యెహోవా కృంగిపోయిన వాళ్లను పైకి లేపుతున్నాడు;+

యెహోవా నీతిమంతుల్ని ప్రేమిస్తాడు.

 9 యెహోవా పరదేశుల్ని కాపాడుతున్నాడు;

ఆయన తండ్రిలేని పిల్లల, విధవరాళ్ల బాగోగులు చూసుకుంటున్నాడు,+

అయితే దుష్టుల పన్నాగాల్ని ఆయన అడ్డుకుంటాడు.*+

10 యెహోవా ఎప్పటికీ రాజుగా ఉంటాడు,+

సీయోనూ, నీ దేవుడు తరతరాలు రాజుగా ఉంటాడు.