యెషయా
1 ఉజ్జియా,+ యోతాము,+ ఆహాజు,+ హిజ్కియా+ రాజులు యూదాను పరిపాలించిన రోజుల్లో+ యూదా గురించి, యెరూషలేము గురించి ఆమోజు కుమారుడైన యెషయా* చూసిన దర్శనం:+
3 ఎద్దుకు తన యజమాని తెలుసు,
గాడిదకు తన యజమాని మేత పెట్టే చోటు తెలుసు;
కానీ ఇశ్రాయేలుకు నేను* తెలీదు,+
నా సొంత ప్రజలు అవగాహన లేకుండా ప్రవర్తిస్తున్నారు.”
5 మీరు ఇంకా తిరుగుబాటు చేస్తూ ఉంటే, ఈసారి మిమ్మల్ని ఎక్కడ కొట్టాలి?+
మీ తల అంతా రోగంతో నిండిపోయింది,
గుండె అంతటికీ వ్యాధి సోకింది.+
6 అరికాలి నుండి నడినెత్తి వరకు ఏదీ ఆరోగ్యంగా లేదు.
ఎక్కడ చూసినా గాయాలు, దెబ్బలు, పచ్చిపుండ్లే.
ఎవరూ వాటికి చికిత్స చేయలేదు,* కట్టు కట్టలేదు, నూనె రాయలేదు.+
7 మీ దేశం నిర్మానుష్యం అయింది.
మీ నగరాలు అగ్నితో కాల్చేయబడ్డాయి.
పరదేశులు మీ కళ్లముందే మీ దేశాన్ని మింగేస్తున్నారు.+
అది పరదేశులు నాశనం చేసిన పనికిరాని భూమిలా తయారైంది.+
8 సీయోను కూతురు ద్రాక్షతోటలోని మంచెలా,*
దోసకాయ పొలంలోని గుడిసెలా,
ముట్టడి వేయబడిన నగరంలా వదిలేయబడింది.+
9 సైన్యాలకు అధిపతైన యెహోవా మనలో కొంతమందిని మిగల్చకపోయి ఉంటే,
మనం అచ్చం సొదొమలా అవ్వాల్సిన వాళ్లం,
గొమొర్రాలా ఉండేవాళ్లం.+
10 సొదొమ+ నియంతలారా,* యెహోవా చెప్పే మాట వినండి,
గొమొర్రా ప్రజలారా,+ మన దేవుని ధర్మశాస్త్రాన్ని* ఆలకించండి.
11 “మీరు అర్పించే బలులన్నీ నాకెందుకు?”+ అని యెహోవా అంటున్నాడు.
“మీ దహనబలి పొట్టేళ్ల+ మీద, బాగా మేపిన జంతువుల కొవ్వు+ మీద నాకు విరక్తి కలిగింది;
కోడెదూడల+ రక్తం,+ గొర్రెపిల్లల రక్తం, మేకల+ రక్తం నన్ను సంతోషపెట్టవు.
13 పనికిరాని ధాన్యార్పణల్ని తేవడం ఇక ఆపేయండి.
మీ ధూపం నాకు అసహ్యం.+
మీరు అమావాస్య రోజుల్ని,+ విశ్రాంతి రోజుల్ని*+ ఆచరిస్తారు; సమావేశాల కోసం చాటింపు+ వేస్తారు.
మీరు ఒకవైపు ప్రత్యేక సమావేశం ఏర్పాటు చేస్తూనే మరోవైపు ఇంద్రజాల శక్తిని ఉపయోగించడం నేను సహించలేను.+
14 మీ అమావాస్య రోజులు, పండుగలు అంటే నాకు అసహ్యం.
అవి నాకు భారంగా తయారయ్యాయి;
వాటిని మోసీ మోసీ నేను అలసిపోయాను.
16 మిమ్మల్ని మీరు కడుక్కొని శుభ్రం చేసుకోండి;
మీ దుష్ట పనుల్ని నా కళ్లముందు నుండి తీసేయండి;
చెడు చేయడం మానండి.+
17 మంచి చేయడం నేర్చుకోండి, న్యాయం జరిగించండి,+
అణచివేసే వాళ్లను సరిదిద్దండి,
తండ్రిలేని పిల్లల* హక్కుల్ని కాపాడండి,
విధవరాళ్ల పక్షాన వాదించండి.”+
18 “రండి, మన మధ్య ఉన్న వివాదాన్ని పరిష్కరించుకుందాం” అని యెహోవా అంటున్నాడు.+
“మీ పాపాలు రక్తంలా ఎర్రగా ఉన్నా,
మంచు అంత తెల్లగా అవుతాయి;+
అవి ముదురు ఎరుపు రంగులో ఉన్నా,
ఉన్ని అంత తెల్లగా అవుతాయి.
20 కానీ మీరు ఒప్పుకోకుండా తిరుగుబాటు చేస్తే,
ఖడ్గం మిమ్మల్ని హతం చేస్తుంది;+
ఎందుకంటే ఈ మాట యెహోవా నోటి నుండి వచ్చింది.”
21 నమ్మకమైన నగరం+ ఎలా వేశ్య అయిందో చూడండి!
ఒకప్పుడు ఆమె న్యాయంతో నిండి ఉండేది;+
నీతి ఆమెలో నివసించేది;+
కానీ ఇప్పుడు హంతకులు నివసిస్తున్నారు.+
23 నీ అధిపతులు మొండివాళ్లు, దొంగలకు జతగాళ్లు.+
లంచం అంటే వాళ్లకు మహా ఇష్టం, వాళ్లు బహుమతుల వెనక పరుగులు తీస్తారు.+
24 కాబట్టి నిజమైన ప్రభువూ సైన్యాలకు అధిపతీ
ఇశ్రాయేలు శక్తిమంతుడూ అయిన యెహోవా ఇలా చెప్తున్నాడు:
“ఇదిగో! నేను నా విరోధుల అడ్డు తొలగించుకుంటాను,
నా శత్రువుల మీద ప్రతీకారం తీర్చుకుంటాను.+
నీ మలినాలన్నీ తీసేస్తాను.+
26 మొదట్లోలాగే నీకు మళ్లీ న్యాయమూర్తుల్ని ఇస్తాను,
అప్పటిలాగే నీకు సలహాదారుల్ని ఇస్తాను.+
ఆ తర్వాత నువ్వు నీతిగల నగరం అని, నమ్మకమైన పట్టణం అని పిలవబడతావు.+