యెషయా

63 ఎదోము+ నుండి వస్తున్న ఈయన ఎవరు?

రంగురంగుల* వస్త్రాలు వేసుకొని బొస్రా+ నుండి వస్తున్న ఈయన ఎవరు?

వైభవోపేతమైన దుస్తులు ధరించి

మహాబలంతో నడిచి వస్తున్న ఈయన ఎవరు?

“నీతిగల మాటలు మాట్లాడే నేనే,

రక్షించే గొప్పశక్తి గల నేనే.”

 2 నీ బట్టలు ఎందుకు ఎర్రగా ఉన్నాయి?

నీ వస్త్రాలు ద్రాక్షతొట్టి తొక్కేవాళ్ల వస్త్రాల్లా ఎందుకున్నాయి?+

నేను కోపంతో వాళ్లను తొక్కుతూ ఉన్నాను,

ఆగ్రహంతో వాళ్లను తొక్కేస్తూ ఉన్నాను.+

వాళ్ల రక్తం నా వస్త్రాల మీద చిమ్మింది,

దాంతో వాటన్నిటికీ మరకలు అయ్యాయి.

 4 ఎందుకంటే ప్రతీకారం తీర్చుకునే రోజును నేను నిర్ణయించాను,+

వీళ్లను తిరిగి కొనే సంవత్సరం వచ్చేసింది.

 5 నేను చూశాను, కానీ సహాయం చేసేవాళ్లు ఎవరూ లేరు;

మద్దతు ఇవ్వడానికి ఎవ్వరూ ముందుకు రాకపోవడం చూసి నేను ఆశ్చర్యపోయాను.

కాబట్టి నా బాహువే రక్షణను* తీసుకొచ్చింది,+

నా ఆగ్రహమే నాకు మద్దతు ఇచ్చింది.

 6 నా కోపంలో జనాల్ని తొక్కాను,

నా ఆగ్రహంతో వాళ్లను మత్తిల్లజేశాను,+

వాళ్ల రక్తాన్ని నేలమీద ఒలికించాను.”

 7 యెహోవా మా కోసం చేసిన వాటన్నిటిని బట్టి,+

విశ్వసనీయ ప్రేమతో యెహోవా చేసిన కార్యాల్ని నేను ప్రకటిస్తాను,

యెహోవాను స్తుతిస్తాను.

తన కరుణ వల్ల, తన గొప్ప విశ్వసనీయ ప్రేమ వల్ల

ఆయన ఇశ్రాయేలు ఇంటివాళ్లకు ఎన్నో మేలులు చేశాడు.

తన ప్రేమను బట్టి, కనికరాన్ని బట్టి ఆయన వాళ్లను తిరిగి కొన్నాడు,+

పాత రోజులన్నిట్లో వాళ్లను ఎత్తుకొని మోస్తూ వచ్చాడు.+

దాంతో ఆయన వాళ్లకు శత్రువు అయ్యాడు,+

వాళ్లతో పోరాడాడు.+

11 అప్పుడు వాళ్లు పాత రోజుల్ని,

అంటే ఆయన సేవకుడైన మోషే రోజుల్ని గుర్తుచేసుకొని ఇలా అన్నారు:

అతనిలో తన పవిత్రశక్తిని ఉంచిన దేవుడు+ ఎక్కడ?

12 మోషే కుడిచేతితో పాటు మహిమగల తన బాహువును పంపించిన దేవుడు+ ఎక్కడ?

తనకు శాశ్వతమైన పేరు కలిగేలా+

వాళ్ల ముందు నీళ్లను పాయలుగా చేసిన దేవుడు+ ఎక్కడ?

13 మైదానంలో గుర్రం నడిచినట్టు

వాళ్లు తొట్రుపడకుండా నడిచివెళ్లేలా

ఉప్పొంగే* జలాల గుండా వాళ్లను నడిపించిన దేవుడు ఎక్కడ?

14 లోయ మైదానంలోకి వెళ్లినప్పుడు పశువులు విశ్రాంతి తీసుకున్నట్టు

యెహోవా పవిత్రశక్తి వాళ్లకు విశ్రాంతినిచ్చింది.”+

నీకు ఘనమైన* పేరు తెచ్చుకోవడానికి+

నీ ప్రజల్ని నువ్వు అలా నడిపించావు.

15 పరలోకం నుండి, అంటే పవిత్రమైన, మహిమాన్వితమైన*

నీ ఉన్నత నివాసం నుండి చూడు.

నీ ఆసక్తి, నీ గొప్ప బలం ఏమయ్యాయి?

నీ కనికరం, నీ కరుణ+ నిన్ను కదిలించట్లేదా?+

16 ఎంతైనా నువ్వే మా తండ్రివి;+

అబ్రాహాముకు మేము తెలియకపోయినా,

ఇశ్రాయేలు మమ్మల్ని గుర్తుపట్టకపోయినా

యెహోవా, నువ్వే మా తండ్రివి.

నీ సేవకుల కోసం,

నీ స్వాస్థ్యపు గోత్రాల కోసం తిరిగి రా.+

19 మేము చాలా ఎక్కువకాలం పాటు,

నువ్వు ఎప్పుడూ పరిపాలించని ప్రజల్లా, నీ పేరుతో పిలవబడని ప్రజల్లా ఉన్నాం.