యెహోషువ

12 ఇశ్రాయేలీయులు యొర్దానుకు తూర్పున అర్నోను లోయ*+ నుండి హెర్మోను పర్వతం వరకు+ ఉన్న రాజుల్ని, అలాగే అరాబా తూర్పు ప్రాంతమంతటా ఉన్న రాజుల్ని ఓడించి, వాళ్ల ప్రాంతాల్ని స్వాధీనం చేసుకున్నారు. ఆ రాజులు ఎవరంటే: 2 అమోరీయుల రాజు సీహోను. అతను హెష్బోనులో నివసించాడు; అతను అర్నోను లోయ*+ అంచున ఉన్న అరోయేరు నగరం+ మొదలుకొని, అంటే అర్నోను లోయ మధ్య భాగం నుండి గిలాదు సగభాగం వరకు, అంటే యబ్బోకు లోయ* వరకు పరిపాలించాడు. ఇది అమ్మోనీయుల సరిహద్దు. 3 అంతేకాక అతను కిన్నెరెతు సముద్రం*+ వరకు అరాబా తూర్పు ప్రాంతాన్ని; అలాగే అరాబా సముద్రం వరకు, అంటే ఉప్పు సముద్రం* వరకు తూర్పు దిక్కున బేత్యేషిమోతు వైపుగా, దక్షిణాన పిస్గా కొండ+ దిగువ ప్రాంతం వరకు పరిపాలించాడు.

4 బాషాను రాజు ఓగు. అతను రెఫాయీయుల చివరివాళ్లలో ఒకడు. అతను అష్తారోతు, ఎద్రెయిలో నివసిస్తూ 5 హెర్మోను పర్వతం, సల్కాతోపాటు, బాషాను ప్రాంతమంతటినీ పరిపాలించాడు. అలాగే గెషూరీయుల, మాయకాతీయుల+ సరిహద్దు వరకు, హెష్బోను రాజైన సీహోను+ ప్రాంత సరిహద్దు వరకు గిలాదు సగభాగాన్ని అతను పరిపాలించాడు.

6 యెహోవా సేవకుడైన మోషే, అలాగే ఇశ్రాయేలీయులు ఆ రాజుల్ని ఓడించారు.+ తర్వాత యెహోవా సేవకుడైన మోషే ఆ దేశాన్ని రూబేనీయులకు, గాదీయులకు, మనష్షే అర్ధగోత్రానికి ఆస్తిగా ఇచ్చాడు.+

7 యొర్దానుకు పడమటి వైపున, అంటే లెబానోను+ లోయలోని బయల్గాదు నుండి శేయీరు+ దగ్గరున్న హాలాకు కొండ+ వరకు ఉన్న ప్రాంతంలోని రాజుల్ని యెహోషువ, ఇశ్రాయేలీయులు ఓడించారు. ఆ తర్వాత యెహోషువ వాళ్ల దేశాన్ని ఇశ్రాయేలు గోత్రాలకు వాళ్లవాళ్ల వంతుల చొప్పున ఆస్తిగా ఇచ్చాడు.+ 8 అందులో పర్వత ప్రాంతం, షెఫేలా, అరాబా, ఏటవాలు ప్రాంతాలు, ఎడారి, నెగెబు+ ఉన్నాయి. అవి హిత్తీయుల, అమోరీయుల,+ కనానీయుల, పెరిజ్జీయుల, హివ్వీయుల, యెబూసీయుల ప్రాంతాలు.+ ఆ రాజులు ఎవరంటే: