యోబు

 3 దుష్టుల సలహాను ఆమోదిస్తూ

నన్ను అణచివేయడం వల్ల,

నీ చేతుల పనిని+ నీచంగా చూడడం వల్ల నీకేం వస్తుంది?

 4 నీ కళ్లు మనిషి కళ్ల లాంటివా?

నువ్వు మనిషి చూసినట్టు చూస్తావా?

 5 నీ రోజులు మనిషి రోజుల లాంటివా?

నీ సంవత్సరాలు మనిషి సంవత్సరాల లాంటివా?+

 6 మరి ఎందుకు నాలో తప్పులు వెదుకుతున్నావు?

నా పాపాల కోసం ఎందుకు చూస్తున్నావు?+

 7 నేను దోషిని కాదని నీకు తెలుసు;+

నీ చేతిలో నుండి ఎవరూ నన్ను కాపాడలేరు.+

 8 స్వయంగా నీ చేతులతో రూపొందించి నన్ను తయారుచేశావు,+

కానీ ఇప్పుడు నన్ను పూర్తిగా నాశనం చేస్తున్నావు.

 9 నువ్వు బంకమట్టితో నన్ను చేశావని+ దయచేసి గుర్తుచేసుకో,

అయితే ఇప్పుడు నన్ను తిరిగి మట్టికి చేరేలా చేస్తున్నావు.+

10 నువ్వు పాలలా నన్ను పోశావు కదా?

పెరుగులా నన్ను తోడుబెట్టావు కదా?

11 నువ్వు నాకు చర్మాన్ని, మాంసాన్ని బట్టల్లా తొడిగావు,

ఎముకలతో, కండరాలతో నన్ను అల్లావు.+

12 నాకు జీవాన్ని ఇచ్చావు, నా మీద విశ్వసనీయ ప్రేమ చూపించావు;

శ్రద్ధతో నా ప్రాణాన్ని* భద్రంగా కాపాడావు.+

14 ఒకవేళ నేను పాపం చేస్తే, నువ్వు నన్ను గమనిస్తావు,+

నా తప్పును క్షమించవు.

15 నేను దోషినైతే, నాకు శ్రమ!

ఒకవేళ నేను నిర్దోషినే అయినా, నా తల ఎత్తుకోలేను,+

16 ఒకవేళ నేను తల ఎత్తితే, నువ్వు సింహంలా నన్ను వేటాడతావు+

మళ్లీ నామీద నీ శక్తిని ప్రదర్శిస్తావు.

17 నాకు వ్యతిరేకంగా కొత్తకొత్త సాక్షుల్ని తీసుకొస్తావు,

నామీద ఇంకా ఎక్కువ కోపం చూపిస్తావు;

19 అప్పుడు నేను ఉనికిలోకే రానట్టు ఉండేది;

తల్లి గర్భం నుండి నేరుగా నన్ను సమాధికి తీసుకెళ్లేవాళ్లు.’

20 నా రోజులు ఏపాటివి?+ ఆయన నన్నిలా వదిలేయాలి;

ఆయన తన కళ్లను నా మీద నుండి పక్కకు తిప్పుకోవాలి, అప్పుడు నాకు కాస్త ఉపశమనం* దొరుకుతుంది.+

21 ఎందుకంటే, త్వరలోనే నేను తిరిగిరాని చోటికి,+

కటిక చీకటి* ఉన్న దేశానికి వెళ్లిపోతాను,+

22 గాఢాంధకారం కమ్ముకున్న దేశానికి,

కారుచీకటిగా, అస్తవ్యస్తంగా ఉన్న దేశానికి వెళ్లిపోతాను.

అక్కడ వెలుగు కూడా చీకటిలా ఉంటుంది.”