కీర్తనలు

19 ఆకాశం దేవుని మహిమను చాటుతోంది;+

అంతరిక్షం* ఆయన చేతి పనిని ప్రకటిస్తోంది.+

 2 ప్రతీ రోజు వాటి మాటలు పెల్లుబుకుతున్నాయి,

ప్రతీ రాత్రి అవి జ్ఞానాన్ని వెల్లడి చేస్తున్నాయి.

 3 వాటికి భాష లేదు, మాటలు లేవు;

వాటి స్వరం వినిపించదు.

 4 అయినా వాటి సాక్ష్యం* భూమంతటికి,

వాటి సందేశం భూమి* నలుమూలలకు చేరుకుంది.+

 5 సూర్యుడు తన గదిలో నుండి బయటికి వస్తున్న పెళ్లికుమారుడిలా ఉన్నాడు;

తన మార్గంలో పరుగెత్తడానికి సంతోషించే బలవంతుడిలా ఉన్నాడు.

 6 సూర్యుడు ఆకాశంలో ఒకవైపు నుండి బయల్దేరి,

చుట్టూ తిరిగి మరో వైపుకు వెళ్తాడు;+

ఆ వేడికి మరుగైనది ఏదీ లేదు.

 8 యెహోవా ఆదేశాలు న్యాయమైనవి, అవి హృదయాన్ని సంతోషపరుస్తాయి;+

యెహోవా ఆజ్ఞ స్వచ్ఛమైనది, అది కంటికి వెలుగునిస్తుంది.+

10 అవి బంగారం కన్నా,

విస్తారమైన మేలిమి* బంగారం కన్నా కోరదగినవి,+

తేనె కన్నా, జుంటి తేనె ధారల కన్నా మధురమైనవి.+

11 వాటి ద్వారా నీ సేవకుడు హెచ్చరిక పొందాడు;+

వాటిని పాటించడం వల్ల గొప్ప ప్రతిఫలం కలుగుతుంది.+

13 అహంకారంతో పనులు చేయకుండా నీ సేవకుణ్ణి ఆపు;+

అవి నా మీద పైచేయి సాధించనివ్వకు.

అప్పుడు నేను నిందలేకుండా ఉంటాను,+

ఘోరమైన పాపాల* విషయంలో నిర్దోషిగా ఉంటాను.

14 యెహోవా, నా ఆశ్రయదుర్గమా,*+ నా విమోచకుడా,+

నా నోటి మాటలు, నా హృదయ ధ్యానం నీకు సంతోషం కలిగించేలా ఉండాలి.+