యెషయా
60 “ఓ స్త్రీ, లే!+ లేచి వెలుగు ప్రసరించు, ఎందుకంటే నీకు వెలుగు వచ్చేసింది.
యెహోవా మహిమ నీ మీద ప్రకాశిస్తోంది.+
2 ఇదిగో! చీకటి భూమిని కమ్ముకుంటుంది,
కటిక చీకటి దేశాల్ని కప్పేస్తుంది;
అయితే యెహోవా నీ మీద ప్రకాశిస్తాడు,
ఆయన మహిమ నీ మీద కనబడుతుంది.
4 తల ఎత్తి నీ చుట్టూ చూడు!
వాళ్లంతా సమకూర్చబడ్డారు; వాళ్లు నీ దగ్గరికే వస్తున్నారు.
నీ కుమారుల్ని చాలా దూరం నుండి తీసుకొస్తున్నారు,+
నీ కూతుళ్లను చంకనెత్తుకొని తీసుకొస్తున్నారు.+
5 ఆ సమయంలో నువ్వు చూసినదాన్ని బట్టి నీ ముఖం వెలిగిపోతుంది,+
నీ గుండె కొట్టుకుంటుంది, ఉప్పొంగుతుంది,
ఎందుకంటే, సముద్ర సంపద నీ వైపు తరలించబడుతుంది;
దేశాల వనరులు నీ దగ్గరికి వస్తాయి.+
షేబ దేశ వాసులంతా వస్తారు;
వాళ్లు బంగారాన్ని, సాంబ్రాణిని తీసుకొస్తారు.
వాళ్లు బహిరంగంగా యెహోవాకు స్తుతులు చెల్లిస్తారు.+
7 కేదారు+ మందలన్నీ నీ దగ్గరికి సమకూర్చబడతాయి.
నెబాయోతు+ పొట్టేళ్లు నీకు సేవలు చేస్తాయి.
9 ద్వీపాలు నా మీద ఆశపెట్టుకుంటాయి;
తర్షీషు ఓడలు ముందు వరుసలో ఉన్నాయి,*
వాళ్లు నీ దేవుడైన యెహోవా పేరును, ఇశ్రాయేలు పవిత్ర దేవుణ్ణి స్తుతించడానికి
తమ వెండిబంగారాలతో పాటు
దూరం నుండి నీ కుమారుల్ని తీసుకొస్తున్నారు;+
10 పరదేశులు నీ ప్రాకారాల్ని కడతారు,
వాళ్ల రాజులు నీకు పరిచారం చేస్తారు.+
ఎందుకంటే కోపంలో నేను నిన్ను కొట్టాను,
కానీ దయతో నీ మీద కరుణ చూపిస్తాను.+
11 నీ నగర ద్వారాలు ఎప్పుడూ తెరిచే ఉంటాయి;+
దేశాల వనరుల్ని నీ దగ్గరికి తీసుకొచ్చేలా
పగలు గానీ, రాత్రి గానీ అవి మూయబడవు,
వాళ్ల రాజులు ముందుండి వాటిని తీసుకొస్తారు.+
13 నా పవిత్రమైన స్థలాన్ని అందంగా చేయడానికి
లెబానోను మహిమ నీ దగ్గరికి వస్తుంది,+
సరళవృక్షం, యాష్‌ చెట్టు, తమాల వృక్షం కలిసి వస్తాయి;+
నేను నా పాదస్థలాన్ని మహిమపరుస్తాను.+
14 నిన్ను బాధించినవాళ్ల కుమారులు వచ్చి నీ ముందు వంగి నమస్కారం చేస్తారు;
నీ మీద గౌరవం లేనట్టు ప్రవర్తించే వాళ్లంతా నీ పాదాల మీద పడతారు,
వాళ్లు నిన్ను యెహోవా నగరం అని,
ఇశ్రాయేలు పవిత్ర దేవుని సీయోను అని పిలుస్తారు.+
15 నువ్వు విడిచిపెట్టబడ్డావు, ద్వేషించబడ్డావు, నీ గుండా ఎవరూ వెళ్లలేదు,+
అయితే నేను నిన్ను శాశ్వతమైన గర్వకారణంగా,
తరతరాలకు సంతోష కారణంగా చేస్తాను.+
16 నువ్వు దేశాల పాలు తాగుతావు,+
రాజుల చనుపాలు తాగుతావు;+
యెహోవానైన నేనే నీ రక్షకుణ్ణని,
యాకోబు శక్తిమంతుడే నీ విమోచకుడని+ నువ్వు ఖచ్చితంగా తెలుసుకుంటావు.
17 నేను రాగికి బదులు బంగారాన్ని,
ఇనుముకు బదులు వెండిని,
కలపకు బదులు రాగిని,
రాళ్లకు బదులు ఇనుమును తీసుకొస్తాను;
శాంతిని నీకు పర్యవేక్షకులుగా,
నీతిని నీ మీద అధికారులుగా నియమిస్తాను.+
నువ్వు నీ ప్రాకారాల్ని రక్షణ అని,+ నీ నగర ద్వారాల్ని స్తుతి అని పిలుస్తావు.
19 ఇక మీదట పగలు సూర్యుడు నీకు వెలుగుగా ఉండడు,
చంద్రుడి కాంతి నీకు వెలుగు ఇవ్వదు,
ఎందుకంటే, యెహోవాయే నీకు నిత్య వెలుగుగా ఉంటాడు,+
నీ దేవుడే నీకు సొగసుగా ఉంటాడు.+
20 ఇక మీదట నీ సూర్యుడు అస్తమించడు,
నీ చంద్రుడు క్షీణించిపోడు,
ఎందుకంటే, యెహోవాయే నీకు నిత్య వెలుగుగా ఉంటాడు,+
నువ్వు దుఃఖించే రోజులు ముగిసిపోతాయి.+
21 నీ ప్రజలందరూ నీతిమంతులుగా ఉంటారు;
వాళ్లు శాశ్వతంగా దేశాన్ని స్వాధీనం చేసుకుంటారు.
22 మీలో అల్పుడు వెయ్యిమంది అవుతాడు,
అందరికన్నా తక్కువవాడు బలమైన జనం అవుతాడు.
యెహోవానైన నేనే తగిన సమయంలో ఈ పనిని త్వరపెడతాను.”