యెషయా
9 కానీ ఆ అంధకారం, దేశం మీదికి కష్టం వచ్చినప్పటి అంధకారంలా ఉండదు; అంటే జెబూలూను దేశం, నఫ్తాలి దేశం నీచంగా చూడబడినప్పటి+ అంధకారంలా ఉండదు. అయితే ఆ తర్వాతి కాలంలో ఆయన దానికి, అంటే సముద్రం వైపున్న మార్గాన యొర్దాను ప్రాంతంలో ఉన్న అన్యజనుల గలిలయకు ఘనతను కలగజేస్తాడు.
2 చీకట్లో నడుస్తున్న ప్రజలు
గొప్ప వెలుగును చూశారు.
గాఢాంధకారంలో నివసించే ప్రజల మీద
వెలుగు ప్రకాశించింది.+
3 నువ్వు ఆ దేశ జనాభాను ఎక్కువ చేశావు,
దాని సంతోషాన్ని అధికం చేశావు.
ప్రజలు కోతకాలంలో సంతోషించినట్టు,
దోపుడుసొమ్మును పంచుకునేవాళ్లు సంతోషించినట్టు
వాళ్లు నీ ముందు సంతోషిస్తారు.
4 మిద్యాను ఓడిపోయిన రోజున+ చేసినట్టే,
వాళ్ల బరువైన కాడిని నువ్వు విరగ్గొట్టావు,
అంటే వాళ్ల భుజాల మీదున్న కర్రను, వాళ్ల యజమాని* దండాన్ని విరగ్గొట్టావు.
5 కవాతు చేస్తూ భూమిని అదిరేలా చేసిన ప్రతీ కాలిజోడు,
రక్తంలో నానిన ప్రతీ వస్త్రం
అగ్నిచేత దహించబడుతుంది.
అద్భుతమైన సలహాదారుడు,+ బలవంతుడైన దేవుడు,+ నిత్యుడైన తండ్రి, శాంతికి అధిపతి అని ఆయనకు పేరు పెట్టబడుతుంది.
7 ఆయన రాజ్యాధికారం* పెరుగుతూ పోతుంది,
అంతులేని శాంతి ఉంటుంది.+
ఇప్పటినుండి సదాకాలం వరకు
నీతిన్యాయాలతో+
దాన్ని సుస్థిరం చేయడానికి,+ బలపర్చడానికి
దావీదు సింహాసనం+ మీద, అతని రాజ్యం మీద ఆయన పరిపాలన చేస్తాడు.
సైన్యాలకు అధిపతైన యెహోవా ఆసక్తితో దీన్ని జరిగిస్తాడు.
9 దాని గురించి ప్రజలందరికీ,
అంటే ఎఫ్రాయిముకు, సమరయ నివాసులకు తెలుస్తుంది.
గర్వంతో, పొగరెక్కిన హృదయంతో వాళ్లు ఇలా అనుకుంటున్నారు:
అత్తి చెట్లు నరికేయబడ్డాయి,
అయితే ఏంటి? వాటి స్థానంలో దేవదారు చెట్లు నాటుదాం.”
11 యెహోవా రెజీను విరోధుల్ని అతనికి వ్యతిరేకంగా నిలబెడతాడు,
అతని శత్రువుల్ని ఆయన రేపుతాడు.
12 తూర్పు నుండి సిరియా, పడమటి నుండి* ఫిలిష్తీయులు+
నోరు తెరిచి ఇశ్రాయేలును మింగేస్తారు.+
ఇంత జరిగినా ఆయన కోపం చల్లారలేదు,
వాళ్లను శిక్షించడానికి ఆయన చెయ్యి ఇంకా చాపబడే ఉంది.+
13 ఎందుకంటే, ప్రజలు తమను శిక్షిస్తున్న దేవుని దగ్గరికి తిరిగిరాలేదు,
వాళ్లు సైన్యాలకు అధిపతైన యెహోవాను వెదకలేదు.+
16 ఈ ప్రజల్ని నడిపించేవాళ్లే వాళ్లను దారితప్పి తిరిగేలా చేస్తున్నారు,
అలా నడుస్తున్నవాళ్లు అయోమయంలో ఉన్నారు.
17 అందుకే వాళ్ల యువకుల్ని చూసి యెహోవా సంతోషించడు,
వాళ్లలోని తండ్రిలేని పిల్లల* మీద, విధవరాళ్ల మీద ఆయన కరుణ చూపించడు,
ఎందుకంటే వాళ్లంతా మతభ్రష్టులు, చెడు చేసే ప్రజలు;+
ప్రతీ నోరు అర్థంపర్థంలేని మాటలు మాట్లాడుతోంది.
ఇంత జరిగినా ఆయన కోపం చల్లారలేదు,
వాళ్లను శిక్షించడానికి ఆయన చెయ్యి ఇంకా చాపబడే ఉంది.+
18 ఎందుకంటే దుష్టత్వం అగ్నిలా మండుతుంది,
అది ముళ్లపొదల్ని, పిచ్చి చెట్లను కాల్చేస్తుంది.
అది అడవిలోని దట్టమైన పొదల్ని తగలబెడుతుంది,
వాటి పొగ మేఘాల్లా పైకి లేస్తుంది.
ఏ వ్యక్తీ కనీసం తన సహోదరుని మీద కూడా జాలి చూపించడు.
20 ఒక వ్యక్తి తన కుడిపక్కను నరికేసుకుంటాడు
కానీ అతని ఆకలి తీరదు;
అతను తన ఎడమపక్క మాంసాన్ని తింటాడు,
అప్పటికీ అతని కడుపు నిండదు.
ప్రతీ వ్యక్తి తన సొంత బాహువు మాంసాన్ని మింగుతాడు.
21 మనష్షే ఎఫ్రాయిమును మింగుతాడు,
ఎఫ్రాయిము మనష్షేను మింగుతాడు.
వాళ్లిద్దరూ కలిసి యూదాకు వ్యతిరేకంగా తిరుగుతారు.+
ఇంత జరిగినా ఆయన కోపం చల్లారలేదు,
వాళ్లను శిక్షించడానికి ఆయన చెయ్యి ఇంకా చాపబడే ఉంది.+