కీర్తనలు

143 యెహోవా, నా ప్రార్థన విను;+

సహాయం కోసం నేను చేసే విన్నపాలు ఆలకించు.

 2 నీ సేవకుణ్ణి నీ న్యాయపీఠం ముందుకు తీసుకురాకు,

ఎందుకంటే, బ్రతికున్న వాళ్లెవ్వరూ నీ ముందు నీతిమంతులుగా ఉండలేరు.+

 3 శత్రువు నన్ను తరుముతున్నాడు;

అతను నా ప్రాణాన్ని నేలలోకి తొక్కేశాడు.

 4 నా బలం క్షీణిస్తోంది;+

నా హృదయం మొద్దుబారిపోయింది.+

 5 నేను పాత రోజుల్ని గుర్తుచేసుకుంటున్నాను;

నీ కార్యాలన్నిటి గురించి ధ్యానిస్తున్నాను.+

నీ చేతి పనిని ఆత్రుతతో పరిశీలిస్తున్నాను.*

 6 నీ వైపు నా చేతులు చాపుతున్నాను;

ఎండిన భూమి వర్షం కోసం తపించినట్టు నేను నీ కోసం తపిస్తున్నాను.+ (సెలా)

 7 యెహోవా, నాకు త్వరగా జవాబివ్వు;+

నా బలం పూర్తిగా క్షీణించింది.+

నా నుండి నీ ముఖం పక్కకు తిప్పుకోకు,+

లేదంటే నేను గోతిలోకి* దిగిపోతున్న వాళ్లలా ఉంటాను.+

 8 ఉదయం నీ విశ్వసనీయ ప్రేమను నన్ను చూడనివ్వు,

నేను నీ మీదే నమ్మకం పెట్టుకున్నాను.

నేను నడవాల్సిన మార్గాన్ని నాకు తెలియజేయి,+

నేను నీ వైపే తిరుగుతున్నాను.

10 నీ ఇష్టాన్ని చేయడం నాకు నేర్పించు,+

ఎందుకంటే నువ్వే నా దేవుడివి.

నీ పవిత్రశక్తి మంచిది;

అది సమతలంగా ఉన్న నేలమీద* నన్ను నడిపించాలి.

12 నీ విశ్వసనీయ ప్రేమను బట్టి నా శత్రువుల్ని అంతం చేయి;+

నన్ను వేధిస్తున్న వాళ్లందర్నీ నాశనం చేయి,+

ఎందుకంటే, నేను నీ సేవకుణ్ణి.+