యెషయా

59 ఇదిగో! యెహోవా చెయ్యి రక్షించలేనంత చిన్నగా లేదు,+

ఆయన చెవి వినలేనంత మందంగా లేదు.+

మీ పాపాల వల్లే ఆయన మీ నుండి తన ముఖాన్ని దాచుకున్నాడు,

ఆయన మీ ప్రార్థనలు వినడానికి ఇష్టపడట్లేదు.+

 3 ఎందుకంటే మీ అరచేతులు రక్తంతో,

మీ చేతి వేళ్లు దోషంతో మలినమైపోయాయి.+

 4 ఎవ్వరూ నీతి పక్షాన మాట్లాడట్లేదు,+

న్యాయస్థానానికి వెళ్లిన వాళ్లలో ఎవ్వరూ నిజం చెప్పట్లేదు.

 5 వాళ్లు విషసర్పం గుడ్లను పొదుగుతారు,

సాలెగూడును అల్లుతారు.+

ఆ గుడ్లను తినేవాళ్లు చనిపోతారు,

ఎవరైనా ఒక గుడ్డును పగలగొడితే అందులో నుండి విషసర్పం వస్తుంది.

 6 వాళ్లు అల్లిన సాలెగూడు వస్త్రంలా ఉపయోగపడదు,

తాము తయారుచేసిన దాన్ని వాళ్లు కప్పుకోరు కూడా.+

వాళ్ల పనులు హానికరమైనవి,

వాళ్ల చేతులు దౌర్జన్యంతో నిండిపోయాయి.+

 7 వాళ్ల పాదాలు చెడు చేయడానికి పరుగెత్తుతాయి,

నిర్దోషుల రక్తం చిందించడానికి వాళ్లు ఆత్రంగా పరుగులు తీస్తారు.+

వాళ్ల ఆలోచనలు హానికరమైనవి;

వాళ్ల దారుల్లో నాశనం, దుఃఖం ఉన్నాయి.+

 8 శాంతి మార్గం వాళ్లకు తెలీదు,

వాళ్ల దారుల్లో న్యాయం అనేదే లేదు.+

వాళ్లు తమ త్రోవల్ని వంకరగా చేసుకుంటారు;

వాటిలో నడిచే వాళ్లెవ్వరికీ శాంతి ఉండదు.+

 9 అందుకే న్యాయం మనకు చాలా దూరంలో ఉంది,

నీతి మన దగ్గరికి రావట్లేదు.

మనం వెలుగు కోసం చూస్తూ ఉన్నాం, కానీ ఇదిగో! చీకటే ఉంది;

కాంతి కోసం ఎదురుచూస్తూ ఉన్నాం, కానీ అంధకారంలోనే నడుస్తున్నాం.+

10 మనం గుడ్డివాళ్లలా గోడను తడుముకుంటూ వెళ్తున్నాం;

కళ్లులేని వాళ్లలా వెతుకులాడుతూ ఉన్నాం.+

సాయంత్రం చీకట్లో తడబడినట్టు మిట్టమధ్యాహ్న వేళ తడబడుతున్నాం;

బలాఢ్యుల మధ్య మనం చచ్చినవాళ్లలా ఉన్నాం.

11 మనమంతా ఎలుగుబంట్లలా గుర్రుమంటున్నాం,

పావురాల్లా దుఃఖంతో మూల్గుతున్నాం.

మనం న్యాయం కోసం చూస్తున్నాం, కానీ అది కనిపించట్లేదు;

రక్షణ కోసం ఎదురుచూస్తున్నాం, కానీ అది మనకు చాలా దూరంలో ఉంది.

12 ఎందుకంటే నీ ముందు మా తిరుగుబాట్లు అనేకం;+

మేము చేసిన ఒక్కో పాపం మా మీద సాక్ష్యం చెప్తోంది.+

మా తిరుగుబాట్లు మా వెన్నంటే ఉన్నాయి;

మా దోషాల గురించి మాకు బాగా తెలుసు.+

13 మేము తప్పు చేశాం, యెహోవాను కాదన్నాం;

మా దేవునికి దూరంగా వెళ్లాం.

అణచివేత గురించి, తిరుగుబాటు గురించి మేము మాట్లాడుకున్నాం;+

మా హృదయాల్లో అబద్ధాలు పెట్టుకొని, వాటి గురించి గుసగుసలాడుకున్నాం.+

14 న్యాయం వెనక్కి తరిమేయబడింది,+

నీతి దూరంగా నిలబడింది;+

ఎందుకంటే సంతవీధిలో సత్యం* తడబడింది,

సరైనది అందులో అడుగు పెట్టలేకపోతోంది.

15 సత్యం* కనుమరుగైపోయింది,+

చెడుకు దూరంగా ఉన్నవాళ్లు దోచుకోబడుతున్నారు.

యెహోవా దాన్ని చూశాడు, అది ఆయనకు నచ్చలేదు,*

ఎందుకంటే ఎక్కడా న్యాయం కనిపించట్లేదు.+

16 సహాయం చేయడానికి ఒక్క మనిషి కూడా లేకపోవడం,

వాళ్ల తరఫున మాట్లాడడానికి ఒక్కరు కూడా లేకపోవడం చూసి ఆయన ఆశ్చర్యపోయాడు,

అందుకే ఆయన బాహువే రక్షణను* తీసుకొచ్చింది,

ఆయన నీతే ఆయనకు ఆధారమైంది.

17 తర్వాత ఆయన నీతిని కవచంగా ధరించాడు,

రక్షణ* అనే శిరస్త్రాణాన్ని* తల మీద పెట్టుకున్నాడు.+

ప్రతీకార వస్త్రాలు తొడుక్కొని+

ఆసక్తిని పైవస్త్రంలా చుట్టుకున్నాడు.*

19 సూర్యాస్తమయం వైపు ఉన్నవాళ్లు యెహోవా పేరుకు,

సూర్యోదయం వైపు ఉన్నవాళ్లు ఆయన మహిమకు భయపడతారు,

ఎందుకంటే ఆయన వేగంగా ప్రవహించే నదిలా దూసుకొస్తాడు,

యెహోవా పవిత్రశక్తే* దాన్ని ప్రవహింపజేస్తుంది.

20 యెహోవా ఇలా అంటున్నాడు: “సీయోను దగ్గరికి,

తప్పులు చేయడం మానేసిన యాకోబు వంశస్థుల+ దగ్గరికి విమోచకుడు+ వస్తాడు.”+