కీర్తనలు

67 దేవుడు మా మీద దయ చూపించి మమ్మల్ని దీవిస్తాడు;

తన ముఖకాంతిని మా మీద ప్రకాశింపజేస్తాడు,+ (సెలా)

 2 అప్పుడు నీ మార్గం గురించి భూమంతటా తెలుస్తుంది;+

అన్ని దేశాలవాళ్లు నీ రక్షణ కార్యాల గురించి తెలుసుకుంటారు.+

 3 దేవా, దేశదేశాల ప్రజలు నిన్ను స్తుతించాలి;

ప్రజలందరూ నిన్ను స్తుతించాలి.

 4 దేశాలు ఉల్లసించి, సంతోషంతో కేకలు వేయాలి,+

ఎందుకంటే నువ్వు వాటికి న్యాయంగా తీర్పు తీరుస్తావు.+

 5 దేవా, దేశదేశాల ప్రజలు నిన్ను స్తుతించాలి;

ప్రజలందరూ నిన్ను స్తుతించాలి.

 6 భూమి దాని పంటను ఇస్తుంది;+

దేవుడు, మా దేవుడు మమ్మల్ని దీవిస్తాడు.+