మొదటి పేతురు

2 కాబట్టి అన్నిరకాల చెడుతనాన్ని,+ మోసాన్ని, కపటాన్ని, ఈర్ష్యను, వెనక మాట్లాడుకోవడాన్ని వదిలేయండి. 2 అయితే, రక్షణ పొందే దిశగా ఎదగడం కోసం, అప్పుడే పుట్టిన పిల్లల్లా,+ వాక్యం అనే స్వచ్ఛమైన పాల మీద ఆకలిని పెంచుకోండి.+ 3 ఎందుకంటే, ప్రభువు దయగలవాడని మీరు రుచిచూసి* తెలుసుకున్నారు.

4 మీరు సజీవమైన రాయిగా ఉన్న ఆయన దగ్గరికి వచ్చారు. మనుషులు ఆయన్ని తిరస్కరించారు;+ కానీ దేవుడు ఆయన్ని ఎంపిక చేసుకున్నాడు, దేవునికి ఆయన అమూల్యమైన వ్యక్తి.+ 5 మీరు కూడా సజీవమైన రాళ్లుగా ఉన్నారు. దేవుని పవిత్రశక్తి ద్వారా మీరు ఒక ఇల్లుగా కట్టబడుతున్నారు.+ యేసుక్రీస్తు ద్వారా, దేవుని పవిత్రశక్తికి అనుగుణంగా దేవునికి ఇష్టమైన బలులు+ అర్పించే+ పవిత్రమైన యాజక బృందంగా ఉండడానికి మీరు అలా కట్టబడుతున్నారు. 6 ఎందుకంటే లేఖనంలో ఇలా ఉంది: “ఇదిగో! నేను ఎంపిక చేసుకున్న రాయిని, అమూల్యమైన పునాది మూలరాయిని సీయోనులో ఉంచుతున్నాను. దానిమీద విశ్వాసం చూపించే వాళ్లెవ్వరూ ఎప్పుడూ నిరాశపడరు.”*+

7 మీరు విశ్వాసులు కాబట్టి మీకు ఆయన అమూల్యమైన వ్యక్తి; కానీ విశ్వసించనివాళ్ల విషయానికొస్తే, “కట్టేవాళ్లు వద్దనుకున్న రాయి+ ముఖ్యమైన మూలరాయి* అయింది,”+ 8 అలాగే “అడ్డురాయి, అడ్డుబండ” అయింది.+ వాళ్లు వాక్యానికి లోబడరు కాబట్టి దానికి తగిలి పడిపోతున్నారు. అలాంటివాళ్లకు చివరికి పట్టే గతి అదే. 9 కానీ మీరు, చీకటిలో నుండి అద్భుతమైన తన వెలుగులోకి మిమ్మల్ని పిలిచిన దేవుని+ “గొప్ప లక్షణాల* గురించి దేశదేశాల్లో ప్రకటించడానికి ఎంచుకోబడిన ప్రజలు,+ రాజులైన యాజక బృందం, పవిత్ర జనం,+ దేవుని సొత్తైన ప్రజలు.”+ 10 ఎందుకంటే ఒకప్పుడు మీరు దేవుని ప్రజలు కాదు, కానీ ఇప్పుడు మీరు ఆయన ప్రజలు;+ ఒకప్పుడు మీరు కరుణ పొందలేదు, కానీ ఇప్పుడు మీరు కరుణ పొందారు.+

11 ప్రియ సహోదరులారా, ఈ లోకంలో మీరు పరదేశులుగా, తాత్కాలిక నివాసులుగా ఉన్నారు. కాబట్టి మీకు వ్యతిరేకంగా పోరాడే శరీర కోరికలకు+ దూరంగా ఉండమని+ మిమ్మల్ని వేడుకుంటున్నాను. 12 లోక ప్రజల మధ్య మీ మంచి ప్రవర్తనను కాపాడుకోండి.+ అప్పుడు, తప్పు చేశారని మిమ్మల్ని నిందించినవాళ్లు మీ మంచిపనుల్ని కళ్లారా చూడగలుగుతారు,+ దేవుడు తనిఖీ చేసే రోజున ఆయన్ని మహిమపర్చగలుగుతారు.

13 మనుషులు స్థాపించిన ప్రతీ అధికారానికి ప్రభువును బట్టి లోబడివుండండి.+ మీ మీద అధికారిగా ఉన్నందుకు రాజుకు లోబడివుండండి. 14 అలాగే అధిపతులకు కూడా లోబడివుండండి. ఎందుకంటే వాళ్లు తప్పు చేసినవాళ్లను శిక్షించడానికి, మంచి చేసినవాళ్లను మెచ్చుకోవడానికి రాజు నియమించిన వ్యక్తులు.+ 15 ఎందుకంటే మీరు మంచి చేయడం ద్వారా, మూర్ఖంగా మాట్లాడే తెలివితక్కువ మనుషుల నోళ్లు మూయించాలనేది+ దేవుని ఇష్టం. 16 మీరు స్వతంత్రులుగా ఉండండి. అయితే మీ స్వేచ్ఛను తప్పు చేయడానికి సాకుగా* ఉపయోగించుకోకుండా, దేవునికి దాసులుగా ఉండండి.+ 17 అన్నిరకాల ప్రజల్ని ఘనపర్చండి;+ ప్రపంచవ్యాప్త సహోదర బృందాన్ని ప్రేమించండి;+ దేవునికి భయపడుతూ ఉండండి;+ రాజును ఘనపర్చండి.

18 సేవకులు తమ యజమానులకు పూర్తి గౌరవంతో లోబడివుండాలి.+ మంచి యజమానులకు, అర్థంచేసుకునే యజమానులకే కాదు, కఠినులైన యజమానులకు కూడా అలా లోబడివుండాలి. 19 ఎందుకంటే, దేవుని ముందు మంచి మనస్సాక్షి కలిగివుండడానికి కష్టాల్ని* సహించేవాళ్లను, అన్యాయంగా బాధలుపడేవాళ్లను దేవుడు ఇష్టపడతాడు. 20 పాపం చేసినందుకు దెబ్బలు తిని సహిస్తే అందులో గొప్పతనం ఏముంది?+ అయితే, మంచి చేసినందుకు బాధలుపడి సహిస్తే దేవుడు దాన్ని ఇష్టపడతాడు.+

21 నిజానికి, ఇందుకోసమే మీరు పిలవబడ్డారు. క్రీస్తు కూడా మీ కోసం బాధలు అనుభవించి, మీరు నమ్మకంగా తన అడుగుజాడల్లో నడవాలని మీకు ఆదర్శాన్ని ఉంచాడు.+ 22 ఆయన ఏ పాపం చేయలేదు,+ ఆయన నోట ఏ మోసం కనిపించలేదు.+ 23 ఇతరులు ఆయన్ని అవమానించినప్పుడు*+ ఆయన తిరిగి వాళ్లను అవమానించలేదు.*+ ఆయన బాధ అనుభవించినప్పుడు+ తనను బాధపెట్టినవాళ్లను బెదిరించలేదు. బదులుగా నీతిగా తీర్పుతీర్చే దేవునికే+ తనను తాను అప్పగించుకున్నాడు. 24 ఆయన కొయ్యకు* దిగగొట్టబడినప్పుడు, తన సొంత శరీరంతో మన పాపాల్ని మోశాడు.+ మనం పాపం విషయంలో చనిపోయి, నీతి విషయంలో బ్రతకాలని అలా చేశాడు. “ఆయన గాయాల వల్ల మీరు బాగయ్యారు.”+ 25 ఎందుకంటే ఒకప్పుడు మీరు దారితప్పిన గొర్రెల్లా ఉండేవాళ్లు;+ కానీ ఇప్పుడు, మీ ప్రాణాల్ని సంరక్షించే కాపరి+ దగ్గరికి* తిరిగొచ్చారు.