కీర్తనలు

86 యెహోవా, నేను కష్టాల్లో ఉన్నాను, దీనస్థితిలో ఉన్నాను,

నా ప్రార్థన విను,* నాకు జవాబివ్వు.+

నిన్ను నమ్ముకున్న నీ సేవకుణ్ణి రక్షించు,

నువ్వే నా దేవుడివి.+

 3 యెహోవా, నా మీద దయ చూపించు,

రోజంతా నీకే నేను మొరపెట్టుకుంటున్నాను.

 4 నీ సేవకుణ్ణి సంతోషపెట్టు,

ఎందుకంటే యెహోవా, నీ వైపే నేను తిరుగుతున్నాను.

 5 యెహోవా, నువ్వు మంచివాడివి,+ క్షమించడానికి సిద్ధంగా ఉంటావు;+

నీకు మొరపెట్టే వాళ్లందరి మీద అపారమైన విశ్వసనీయ ప్రేమ చూపిస్తావు.

 6 యెహోవా, నా ప్రార్థన విను;

సహాయం కోసం నేను చేస్తున్న విన్నపాలు ఆలకించు.

 7 కష్టకాలంలో నేను నీకు ప్రార్థిస్తాను,+

నువ్వు నాకు జవాబిస్తావు.

 8 యెహోవా, దేవుళ్లలో నీలాంటి దేవుడు ఎవ్వరూ లేరు,+

నీ పనులు సాటిలేనివి.+

 9 యెహోవా, నువ్వు చేసిన దేశాలన్నీ వచ్చి

నీ ముందు వంగి నమస్కారం చేస్తాయి,+

10 ఎందుకంటే నువ్వు గొప్పవాడివి, అద్భుతమైన పనులు చేస్తావు;+

నువ్వు మాత్రమే దేవుడివి.+

12 యెహోవా, నా దేవా, నా నిండు హృదయంతో నిన్ను స్తుతిస్తున్నాను,+

నీ పేరును నిరంతరం మహిమపరుస్తాను.

13 ఎందుకంటే, నా మీద నీకున్న విశ్వసనీయ ప్రేమ గొప్పది,

సమాధి* లోతుల్లో నుండి నువ్వు నా ప్రాణాన్ని కాపాడావు.+

14 దేవా, అహంకారులు నా మీదికి లేస్తున్నారు;+

క్రూరుల గుంపు నా ప్రాణం తీయాలని చూస్తోంది,

నువ్వంటే వాళ్లకు లెక్కేలేదు.*+

15 కానీ యెహోవా, నువ్వు కరుణ, కనికరం* గల దేవుడివి,

ఓర్పు,* అపారమైన విశ్వసనీయ ప్రేమ, నమ్మకత్వం గల* దేవుడివి.+

నీ సేవకునికి నీ బలాన్ని ఇవ్వు,+

నీ దాసురాలి కుమారుణ్ణి కాపాడు.

17 నీ మంచితనానికి సూచన* నాకు చూపించు.

అప్పుడు, నన్ను ద్వేషించేవాళ్లు దాన్ని చూసి సిగ్గుపడతారు.