సామెతలు
3 నా కుమారుడా, నా ఉపదేశాన్ని మర్చిపోకు,
నా ఆజ్ఞల్ని హృదయపూర్వకంగా పాటించు,
2 అప్పుడు నువ్వు ఎక్కువకాలం జీవిస్తావు,
నీకు మనశ్శాంతి ఉంటుంది.+
3 విశ్వసనీయ ప్రేమను, సత్యాన్ని* విడిచిపెట్టకు.+
వాటిని నీ మెడ చుట్టూ కట్టుకో;
నీ హృదయమనే పలకమీద రాసుకో;+
4 అప్పుడు నువ్వు దేవుని దృష్టిలో, మనుషుల దృష్టిలో+
అనుగ్రహం పొందుతావు, లోతైన అవగాహన గలవాడిగా ఉంటావు.
7 నీ సొంత తెలివిని నమ్ముకోకు.+
యెహోవాకు భయపడి, చెడు నుండి పక్కకు తప్పుకో.
8 అప్పుడు నీ శరీరం ఆరోగ్యంగా,
నీ ఎముకలు పుష్టిగా ఉంటాయి.
9 నీకున్న విలువైన వాటితో,
నీ పంటలోని* ప్రథమఫలాలతో*+ యెహోవాను ఘనపర్చు.+
10 అప్పుడు నీ గోదాముల్లో ధాన్యం సమృద్ధిగా ఉంటుంది,+
నీ ద్రాక్షతొట్లలో ద్రాక్షారసం పొంగిపొర్లుతుంది.
11 నా కుమారుడా, యెహోవా ఇచ్చే క్రమశిక్షణను తిరస్కరించకు,+
ఆయన గద్దింపును అసహ్యించుకోకు;+
12 ఎందుకంటే, తండ్రి తాను ప్రేమించే కుమారుణ్ణి గద్దించినట్టే,
యెహోవా తాను ప్రేమించేవాళ్లను గద్దిస్తాడు.+
13 తెలివిని కనుగొన్నవాళ్లు,
వివేచనను సంపాదించినవాళ్లు సంతోషంగా ఉంటారు;+
14 వెండిని సంపాదించడం కంటే తెలివిని సంపాదించడం మేలు,
బంగారాన్ని లాభంగా పొందడం కంటే తెలివిని పొందడం మేలు.+
16 దాని కుడిచేతిలో దీర్ఘాయుష్షు,
దాని ఎడమచేతిలో సంపదలు, ఘనత ఉన్నాయి.
17 దాని మార్గాలు ఆహ్లాదకరం,
దాని దారులన్నీ శాంతిమయం.+
19 యెహోవా తెలివితో భూమికి పునాది వేశాడు.+
వివేచనతో ఆకాశాన్ని స్థిరంగా స్థాపించాడు.+
20 ఆయన జ్ఞానంవల్ల అగాధ జలాలు తెరుచుకున్నాయి,
మేఘాలతో నిండిన ఆకాశం చిరుజల్లులు కురిపిస్తుంది.+
21 నా కుమారుడా, వాటిని* నీ కళ్లముందు నుండి వెళ్లిపోనివ్వకు.
తెలివిని,* ఆలోచనా సామర్థ్యాన్ని భద్రంగా కాపాడుకో;
22 అవి నీకు జీవాన్నిస్తాయి,
నీ మెడకు అలంకారంగా ఉంటాయి;
23 అప్పుడు నువ్వు నీ దారిలో సురక్షితంగా నడుస్తావు,
26 ఎందుకంటే, నువ్వు యెహోవా మీద పూర్తిగా నమ్మకం పెట్టుకుంటావు;+
ఆయన నీ పాదాన్ని ఉచ్చులో చిక్కుకోకుండా కాపాడతాడు.+
28 నీ సాటిమనిషికి ఇప్పుడే ఏదైనా ఇవ్వగలిగితే,
“వెళ్లి రేపు రా, ఇస్తాను” అని అతనితో అనకు.
29 నీ పొరుగువాడు నిన్ను నమ్మి నీ దగ్గర సురక్షితంగా నివసిస్తుంటే,
అతనికి హాని చేయడానికి కుట్ర పన్నకు.+
30 నీకు ఏ హానీ చేయని వ్యక్తితో
కారణం లేకుండా గొడవపడకు.+
31 దౌర్జన్యం చేసేవాణ్ణి చూసి ఈర్ష్యపడకు,+
అతని మార్గాల్లో దేన్నీ ఎంచుకోకు;
32 ఎందుకంటే, కపట బుద్ధి గలవాళ్లు యెహోవాకు అసహ్యం,+
నిజాయితీపరులకు ఆయన దగ్గరి స్నేహితుడు.+
35 తెలివిగలవాళ్లు ఘనతను పొందుతారు,
అయితే మూర్ఖులు, అవమానం తెచ్చేవాటిని గొప్పగా చూస్తారు.+