యోబు
19 అప్పుడు యోబు ఇలా అన్నాడు:
3 ఈ పదిసార్లు మీరు నన్ను గద్దించారు;*
నాతో కఠినంగా వ్యవహరిస్తున్నందుకు మీకు కొంచెం కూడా సిగ్గు అనిపించట్లేదా?+
4 ఒకవేళ నేను నిజంగానే తప్పు చేసినా,
ఆ తప్పు నా మీదే ఉంటుంది.
5 నన్ను నిందించడం సరైనదని అంటూ,
మిమ్మల్ని మీరు నామీద హెచ్చించుకోవడానికి ప్రయత్నిస్తే,
6 ఈ విషయం తెలుసుకోండి: దేవుడే నాతో అన్యాయంగా ప్రవర్తించాడు,
తన వలలో నన్ను చిక్కించుకున్నాడు.
7 ‘దౌర్జన్యం! దౌర్జన్యం!’ అని అరుస్తున్నా, నాకు జవాబు రావట్లేదు;+
సహాయం కోసం మొరపెడుతున్నా, న్యాయం జరగట్లేదు.+
8 ఆయన నా దారికి అడ్డంగా రాతిగోడ పెట్టాడు, నేను దాన్ని దాటలేను;
ఆయన నా దారుల్ని చీకటితో కప్పేశాడు.+
9 ఆయన నా ఘనతను తీసేశాడు,
నా తలమీద నుండి కిరీటాన్ని తొలగించాడు.
10 నేను నశించిపోయే వరకు ఆయన అన్నివైపులా నన్ను విరగ్గొడుతున్నాడు;
నా ఆశను చెట్టులా పెల్లగిస్తున్నాడు.
11 ఆయన కోపం నా మీద రగులుకుంటోంది,
ఆయన నన్ను తన శత్రువులా చూస్తున్నాడు.+
12 ఆయన సైన్యాలు ఏకమై వచ్చి, నన్ను ముట్టడించాయి,
అవి నా డేరా చుట్టూ దిగాయి.
13 ఆయన నా సహోదరుల్ని నా నుండి దూరంగా తరిమేశాడు,
నేను తెలిసినవాళ్లు పక్కకు తప్పుకుని వెళ్లిపోతున్నారు.+
15 నా ఇంట్లోని అతిథులు,+ నా దాసురాళ్లు నన్ను తెలియని వ్యక్తిలా చూస్తున్నారు;
వాళ్ల దృష్టిలో నేను పరదేశిలా ఉన్నాను.
16 నేను నా సేవకుణ్ణి పిలుస్తున్నా, అతను పలకట్లేదు;
కనికరం చూపించమని నా నోటితో అతన్ని వేడుకోవాల్సి వస్తోంది.
18 చిన్నపిల్లలు కూడా నన్ను నీచంగా చూస్తున్నారు;
నేను లేచినప్పుడు వాళ్లు నన్ను ఎగతాళి చేస్తున్నారు.
21 కరుణ చూపించండి, నా సహచరులారా, కరుణ చూపించండి,
ఎందుకంటే, స్వయంగా దేవుని చెయ్యే నన్ను కొట్టింది.+
23 నా మాటలు రాయబడితే,
అవి పుస్తకంలో లిఖించబడితే ఎంత బావుంటుంది!
24 ఎప్పటికీ నిలిచిపోయేలా వాటిని ఉలితో రాతిమీద చెక్కి,
సీసం కరిగించిపోస్తే ఎంత బావుంటుంది!
26 అలా నా చర్మం నశించిపోయాక,
ఇంకా బ్రతికుండగానే నేను దేవుణ్ణి చూస్తాను.
27 నేను స్వయంగా ఆయన్ని చూస్తాను,
వేరేవాళ్లు కాదు, స్వయంగా నేనే నా కళ్లతో ఆయన్ని చూస్తాను.+
కానీ లోలోపల నేను చాలా కలవరపడుతున్నాను!*
28 ఎందుకంటే మీరు, ‘మేము ఏవిధంగా అతన్ని హింసిస్తున్నాం?’ అని అంటున్నారు.+
సమస్యకు నేనే కారణం అన్నట్టు మాట్లాడుతున్నారు.