యోబు
33 “యోబూ, దయచేసి నా మాటలు ఆలకించు;
నేను చెప్పే ప్రతీది విను.
2 దయచేసి చూడు! నేను నా నోరు తెరవాలి;
నా నాలుక మాట్లాడాలి.
3 నా మాటలు నా హృదయంలోని నిజాయితీని చూపిస్తాయి,+
నా పెదాలు నాకు తెలిసినదాన్ని ఉన్నదున్నట్టు చెప్తాయి.
5 నువ్వు నాకు జవాబివ్వగలిగితే ఇవ్వు;
నీ వాదనల్ని నా ముందు వినిపించు, సిద్ధంగా ఉండు.
6 చూడు! సత్యదేవుని ముందు నేను కూడా నీలాంటివాణ్ణే;
నేను కూడా బంకమట్టి నుండే తయారు చేయబడ్డాను.+
7 కాబట్టి నువ్వు ఏ విషయంలోనూ నాకు భయపడాల్సిన అవసరం లేదు,
నా మాటలు నిన్ను నలగ్గొట్టవు.
8 అయితే నువ్వు ఈ మాటలు అనడం నేను విన్నాను,
అవును, నువ్వు ఇలా అంటూ ఉన్నావు:
9 ‘నేను పవిత్రుణ్ణి, నాలో ఏ అపరాధం లేదు;+
నేను శుద్ధుణ్ణి, నేను ఏ తప్పూ చేయలేదు.+
10 అయినా ఎందుకో దేవుడు నన్ను వ్యతిరేకిస్తున్నాడు;
నన్ను తన శత్రువులా చూస్తున్నాడు.+
11 నా పాదాల్ని బొండలో బిగిస్తున్నాడు;
నా మార్గాలన్నిటినీ క్షుణ్ణంగా పరిశీలిస్తున్నాడు.’+
12 కానీ నువ్వలా అనడం సరికాదు, కాబట్టి నేను నీకు జవాబిస్తాను:
దేవుడు మనిషి కన్నా చాలాచాలా గొప్పవాడు.+
13 నువ్వు ఎందుకు ఆయన మీద ఫిర్యాదు చేస్తున్నావు?+
నువ్వు మాట్లాడిన మాటలన్నిటికీ ఆయన జవాబు ఇవ్వలేదనా?+
14 దేవుడు ఒకసారి మాట్లాడతాడు, రెండుసార్లు మాట్లాడతాడు,
కానీ ఎవ్వరూ పట్టించుకోరు;
15 కలలో, రాత్రి వచ్చే దర్శనంలో,+
ప్రజలు తమ పరుపు మీద పడుకొని
గాఢనిద్రలో ఉన్నప్పుడు ఆయన మాట్లాడతాడు.
16 అప్పుడు ఆయన వాళ్ల చెవులు తెరుస్తాడు,+
తాను వాళ్లకు ఇచ్చిన ఉపదేశాన్ని ధృవీకరిస్తాడు.*
17 మనిషిని తప్పులు చేయకుండా ఆపడానికి,+
గర్వం నుండి అతన్ని కాపాడడానికి ఆయనలా చేస్తాడు.+
19 ఒకవ్యక్తి నొప్పితో మంచం మీద పడుకున్నప్పుడు,
అనుక్షణం తన ఎముకల్లో బాధ అనుభవిస్తున్నప్పుడు కూడా ఏదోక పాఠం నేర్చుకుంటాడు.
20 ఆ సమయంలో అతను రొట్టెను అసహ్యించుకుంటాడు,
చివరికి శ్రేష్ఠమైన ఆహారాన్ని కూడా తిరస్కరిస్తాడు.+
21 అతను పూర్తిగా బక్కచిక్కిపోతాడు,
అతని ఎముకలు బయటికి కనిపిస్తాయి.
23 అయితే అతనికి ఒక సందేశకుడు* ఉంటే,
వెయ్యిమందిలో అతని పక్షాన వాదించేవాడు ఒకడు ఉండి
ఏది సరైనదో అతనికి చెప్తే,
24 దేవుడు అతని మీద దయ చూపించి, ఇలా అంటాడు:
అతని కోసం నాకు విమోచన క్రయధనం*+ దొరికింది!
26 అతను దేవునికి ప్రార్థిస్తాడు,+ ఆయన అతన్ని అంగీకరిస్తాడు,
అతను సంతోషంతో కేకలు వేస్తూ ఆయన ముఖం చూస్తాడు,
అతను మళ్లీ తన దృష్టిలో నీతిమంతునిగా ఉండేలా చేస్తాడు.
27 అప్పుడు ఆ వ్యక్తి మనుషులకు ఇలా ప్రకటిస్తాడు:*
‘నేను పాపం చేశాను,+ సరైనదాన్ని వక్రీకరించాను,
కానీ నాకు తగిన శిక్ష పడలేదు.*
29 దేవుడు మనిషి విషయంలో రెండుసార్లు, మూడుసార్లు ఇవన్నీ చేస్తాడు;
30 అలా అతన్ని గోతి* నుండి వెనక్కి తీసుకొస్తాడు,
అప్పుడతను జీవపు వెలుగును ఆనందిస్తాడు.+
31 యోబూ, నా మాటల్ని విను! శ్రద్ధగా ఆలకించు!
మౌనంగా ఉండు, నేను ఇంకా మాట్లాడతాను.
32 నువ్వు ఏమైనా చెప్పాలనుకుంటే, నాతో చెప్పు.
మాట్లాడు, ఎందుకంటే నువ్వు నిర్దోషివని నేను రుజువు చేయాలనుకుంటున్నాను.
33 చెప్పడానికి ఏమీ లేకపోతే, నేను చెప్పేది విను;
మౌనంగా ఉండు, నేను నీకు తెలివిని బోధిస్తాను.”